Du Haillan. R

Misère, qu'on nomme encor la Maison de la Marchandise, et vindrent depuis en vn hostel assis près de la porte S. Jacques1. De là^ peut procéder que des dix sergents du Préuost des Marchands et Escheuins, les six sont sergens du Parloir aux Bourgeois et les quatre autres seruent au fait de la marchandise.

17. L'ancien bastiment de la Sale et Hostel de Ville de Paris, auoit esté l'Hostel de Charles, Dauphin de France et régent pendant la prison du Roy Iean, son père, détenu en Angleterre, et auoit esté autresfois appelle la maison des Piliers, à cause que les édifices prominens en la place de Grève, près de la Seine, où ce logis estoit situé, estoient soutenus par des pilliers. Sous le Roy François I. l'an 1535, fust fait le nouveau bastiment de l'Hostel de Ville, et la première pierre posée auec solennité, et le Roy Henri IV. en l'an 1606, le fit remettre depuis le sol iusqu'au faiste, auec nouuelles réparations de la Sale, pauillon, colonnes et tour pour l'horloge en l'an 1608. Le Préuost des Marchands et Escheuins, qui ne sont que quatre en nombre, sont en charge l'espace de deux ans et peuuent estre continuez. De deux ans en deux ans, on eslit deux nouueaux Escheuins, le lendemain de l'Assomption Nostre-Dame, à la pluralité des voix2, et ces charges, auec celle du Préuost des Marchands, ne sont données qu'à ceux qui sont nez en

1. Belleforest, Cosmographie universelle ; Du Breul, Antiquités de Paris. R.