NAVIGATION DE LANCELOT 25 I

li jorz aparut et li solax fu levez a l'endemain. Quant li jorz fu biaus et clers, et il s'entrevirent et conurent ; si comenca entr'ax la joie grant et merveilleuse. Et quant Galaad vit la <iamoisele qui en la nef gisoit, si la reconut tost corne celé qu'il avoit autre foiz veue. Si demanda a Lancelot s'il savoit s qui celé damoisele fu. — « Oïl, fet il, je le sai bien. Car li trief qui a son chevez est en devise la vérité apertement. Mes por Dieu dites moi se vos avez a chief menée l'aventure de l'Espee as estranges renges. » — « Sire, fet il, oïl. Et se vos onques ne veistes l'Espee, veez la ci. » Et quant Lancelot lo la resgarde, si pense bien que ce soit ele ; si la prent par le heut et comence a besier le pont et le fuerre et le branc. Lors requiert a Galaad qu'il li die coment il la trova et en <\ut\ leu. Et il li conte la manière de la nef que la famé Salemon fist jadis fere, et li conte la manière des trois fuis- 15 siax, et coment Eve, la première mère, avoit planté le premier arbre, dont li fuissel estoient naturelment coloré de blanc et de vert et de vermeil. Et quant il li a contée la manière de la nef et des letres qu'il troverent dedenz, si dist Lancelot que onques si haute aventure n'avint a chevalier com il li est 20 avenu.

I En celé nef demora Lancelot et Galaad bien demi an et plus, en tel manière qu'il n'i avoit celui qui n'entendist a son Creator servir de son cuer. Et maintes fois ariverent en isles «strangcs ioign de gent, la ou il ne reperoit se bestes non 25 sauvages, ou il troverent aventures merveilleuses qu'il menèrent a chief, que^par lor proesce que par la grâce dou Saint Esperit, qui en toz leux lor aidoit. Si n'en fet mie li contes del saint Graal mencion, por ce que trop i covenist a demorer qui tout voldroit aconter qan qu'il lor avint. 30

Après Pasques, au tens novel que totes choses treent a verdor, et cil oiesel chantent par le bois lor dolz chanz divers por le comencement de la douce seson, et tote riens se

tret plus a joie que en autre tens, a celui terme lor avint un jor a hore de midi qu'il ariverent en l'oriere d'une forest devant une croiz. Et lors virent issir de la forest un chevalier armé d'unes armes blanches, et fu montez molt richement et menoit en destre un cheval blanc. Et quant il vit la nef arivee, si vint celé part au plus tost qu'il pot et salua les . deus chevaliers de par le Haut Mestre, et dist a Galaad : V / «Sire chevaliers, assez avez eslié o vostre per^. Issiez de celle ^ nef et montez en cest cheval/ qui assez est biax et blans, et alez la ou aventure vos mefira, querant les aventures del lo roiaume de Logres et menant a chief. »

Quant il ot ceste parole, si cort a son père et le bese molt doucement et li dist tout em plorant* : « Biax doux sires, je ne sai se je vos verrai ja mes. Au verai cors Jhesucrist vos comant, qui vos maintiegne en son ser\'ise. » Et lors comence li 15 uns et li autres a plorer. En ce que Galaad fu issuz de la nef et montez el cheval, vint une voiz entr'ax qui lor dist : « Or penst chascuns de bien fere, car li uns ne verra ja mes l'autre devant le grant jor espoantable que Nostre Sires rendra, a chascun ce qu'il avra deservi t et ce sera au jor del Juise. )> 20 Quant Lancelot entent ceste parole, si dist a Galaad tôt en plorant : « Filz, puis qu'il est einsi que je me départ de toi a toz jorz mes, prie le Haut Mestre por moi, qu'il ne me lest partir de son servise, mes en tel manière me gart que je soie ses serjanz terriens et esperitiex. » Et Galaad li respont : 25 « Sire, nule proiere n'i vaut autant come la vostre. Et por ce vos soviegne de vos. » Maintenant se part li uns de l'autre. Si entre Galaad en la forest ; et li venz se fu feruz en la net grant et merveillex, qui ot molt tost esloignié Lancelot de la rive. 3o

Einsi fu Lancelot touz sens en la nef, fors del cors a la damoisele. Si erra bien un mois entier par mi la mer en tel manière qu'il dormoit pou, ainz veilla molt et pria Nostre

Seignor em plorant molt tendrement que II en tel leu le menast ou il aucune chose del saint Graal poïst veoir.

Un soir entor mie nuit li avint qu'il ariva devant un chastel qui molt ert riches et biax et bien seanz ; et au derrière dou chastel avoifune porte qui ovroit parMleyej;sJ^Ye, et estoit s toz dis overte, de nuiz et de jorz. Ne de celé part n'avoient cil de laienz garde, car il i avoit adés deus lions qui gardoient l'entrée li uns devant l'autre, en tel manière que len ne poïst laienz entrer se par mi ax non, por que len i volsist entrer par celé porte. A celé hore que la nef ariva celé part luisoit la 'o lune si cler que assez en poïst len veoir loign et près. Et maintenant oï une voiz qui li dist : « Lancelot, is de celé nef et entre en cest chastel, ou tu troveras grant partie de ce que tu quierz et que tu tant as desirré a veoir. » Et quant il ot ce, si cort maintenant a ses armes et les prent, et n'i lesse nule 15 chose qu'il i eust aportee. Et quant il est fors issuz, si vient a la porte et troeve les deus lions ; si cuide bien qu'il n'en puist partir sans meslee. Lors met la main a l'espee et s'apareille de deffendre. Einsi come Lancelot ot trete l'espee, si resgarde contremont et voit venir une main toute enflammée 20 qui le feri si durement par mi le braz que l'espee li vola de la main. Lors oï une voiz qui li dist : « Ha ! bons de povre foi et de mauvese créance, por quoi te lies tu plus en ta main que en ton Criator ? Molt es chetis, qui ne cuides mie que cil en qui servise tu t'es mis ne puisse plus valoir que tes 25 armes ! »

Lancelot est si esbahiz de ceste parole et de la main qui l'ot féru qu'il chiet a la terre toz estordiz, et tiex atornez qu'il ne set s'il est jorz ou nuiz. Mes au chief de pièce se redrece et dist : « Ha ! biaux pères Jhesucrist, vos merci je et 3o aor de ce que vos me deigniez reprendre de mes meffez. Or voi je bien que vos me tenez a vostre serjant, quant vos me mostrez signe de ma mescreance. »

Lors reprent Lancelot s'espee et la met ou fuerre et dit que par lui ne sera ele hui mes ostee, ainz se metra en la merci de Nostre Seignor. « Et s'il li plest que je i muire, ce sera sauvementa m'ame. Et s'il est einsi que je en eschape, il me sera torné a grant honor. » Lors fet le signe de la croiz 5> emmi son front et se comande a Nostre Seignor, et vient as lyons. Et il s'asieent maintenant que il le voient venir, ne ne font nul semblant qu'il li voillent maufere. Et il s'en passe par mi ax si qu'il ne touchent a lui. Et il s'en vient en la mestre rue et vet contremont le chastel, tant qu'il vient a la '" mestrc forteresce de laienz. Ja estoient tuit couchié parmi le chastel, car il pooit bien estre mie nuit. Et il vient as devrez et monte contremont, tant qu'il vient en la ocrant sale si armez come il ert. Et quant il fu amont, si resgarde loign et près, mes il n'i voit home ne famé, dont il is se merveille molt, car si bel paies et si bêles sales come il voit ne cuidast il ja mes sanz gent. Si passe outre et pense qu'il ira tant qu'il avra trovees aucunes genz qui li diront ou il est arivez, car il ne set en quel païs il est.

Tant a aie Lancelot qu'il vint vers une chambre dont li 20 huis ert clos et bien serré. Et il i met la main et le cuide deffermer, mes il ne puet ; si s'en efforce il molt, mes rien ne li puet valoir a ce qu'il i puisse entrer. Lors escoute et ot une voiz qui chantoit si doucement qu'il ne semble mie que ce soit voiz de mortiex choses, mes d'esperitiex.; Et li estoit 25. avis que ele disoit : « Gloire et loenge et honor soit a toi, Père des cielx ! » duant Lancelot ot ce que la voiz disoit, si li atendroie li cuers ; si s'agenoille devant la chambre, car bien pense que li Sainz Graax i soit. Si dist tout em plorant : « Biax douz pères Jhesucrist, se je onques fis chose 3oqui te plese, biax Sire, par ta pitié, ne m'aies en despit, que tu ne me faces aucun demostrement de ce que je vois querant. »

Maintenant que Lancelot ot ce dit, si resgarde devant lui et voit l'uis de la chambre overt, et a l'ovrir que ele fist en issi une si grant clarté come se li soleux feist laienz son estage. Et de celé grant clarté qui de laienz issoit fu toute la meson siclerecome se tuit li cierge del monde i fussent s espris. Et quant il voit ce, si a si grant joie et si grant désir de veoir dont celé grant clarté venoit, qu'il en oublie totes choses. Si vint a l'uis de la chambre et volt entrer dedenz, quant une voiz li dist : « Fui, Lancelot, n'i entre mie, car tu nel doiz mie fere. Et se tu sus icestui deffens i entres, tu i» t'en repentiras. » Q.uant Lancelot ot ce, si se tret arriéres molt dolenz, come cil qui volentiers i entrast, mes toutevoies s'en refraint il por le deffens qu'il a oï.

Si reso;arde dedenz la chambre et voit sor une table d'argent le Saint Vessel' covert d'un vermeil samit. Si voit 15 tout entor angres qui amenistroient le Saint V^essel, en tel manière que li un tenoient encensiers d'argent et cierges ardanz, et li autre tenoient croiz et aornemenz d'autel, et n'en i avoit nus qui ne servist d'aucun mestier. Et devant le Saint Vessel seoit un vielx hons vestuz come prestres, et 20 sembloit que il fust ou sacrement de la messe. Et quant il dut lever corpus domini, il fu avis a Lancelot que desus les mains au preudome en haut avoit trois homes, dont li dui metoient le plus juene entre les mains au provoire ; et il le le voit en haut, si fesoit semblant qu'il le mostrast au pueple. 25,

Et Lancelot, qui resgarde ceste chose, ne s'en merveille pas petit : car il voit que li prestres est si chargiez de la figure qu'il tient, qu'il li est bien avis que il doie chaoir a terre. Et quant il voit ce, si li velt aler aidier, cai- il li est bien avis que nus de eaux qui o lui sont ne le voille secorre. 30- Lors a si grant faim d'aler i qu'il ne li sovient del deffens qui li avoit esté fet de ce qu'il n'i meist le pié. Lors vient a l'uis bon pas et dit : « Ha ! biax pères Jhesucriz, ne me soit

atorné a peine ne a dampnation se je vois aidier a cel preudome qui mestier en a. ))Et lors entre dedenzet s'adrece vers ia table d'argent. Et en ce qu'il vient près, si sent un souffle de vent ausi chauz, ce li est avis, corne s'il fust entremeslez de feu, qui le feri ou vis si durement qu'il li fu bien avis qu'il li eust le viaire ars. Lors n'a pooir d'aler avant, corne cil qui est tiex atornez qu'il a perdu le pooir dou cors, et del oïr et del veoir, ne n'a sor lui membre dont il aidier se puisse. Lors sent il plusors mains qui le prennent et l'emportent. Et quant il l'orent pris amont et aval, si le ruent fors ^^ de la chambre et le lessent ilcc.

Al'endemain, quant lijorz aparutbiaxet clersetcildelaienz furent levé, et il troverent Lancelx)t gisant devant l'uis de la chambre, si s'en merveillierent molt que ce pooit estre. Si le semonnent de lever, mes il ne fetnul semblant qu'il les oie, ne ^1 ne se remue. Et quant il voient ce, si dient que il est morz : si ' le desarment tostet isnelement et le regardent amont et aval por savoir s'il est vis. Si trovent qu'il n'est mie morz, mes toz pleins de vie ; mes il n'a pooir qu'il parolt ne qu'il die mot, ainz est ausi come une mote déterre. Et cil le prenent de toutes parz et l'emportent entre braz en une des chambres de laienz, et le couchierent en un molt riche lit, loign de gent, por la noise que mal ne li feist. Si s'em prenent garde si com il pueent, et sont toute jor delez lui, et l'arresnent maintes foiz por savoir s'il poïst parler. Mes il ne respont 25 onques mot ne ne fet semblant qu'il eust onques parlé. Et il le resgardent au pox et as veines et dient que merveilles est de cel chevalier qui est toz vis, et si ne puet parler a aux ; et li autre dient qu'il ne sevent dont ce puist avenir, se ce n'est aucune venjance ou aucun demostrement de Nostre Sei- 3o gnor.

Tôt celui jor furent devant Lancelot cil de laienz, et le tierz jor et le quart. Si disoient li un qu'il estoit morz, et li

autre qu'il estoit vis. « En non Dieu, fet uns vielz bons qui laienz estoit et qui assez savoit de fisique, je vos di veraiement qu'il n'est mie morz, ainz est ausi pleins de vie com li plus forz de nos toz ; et por ce lo je qu'il soit gardez bien et richement tant que Nostre Sires le rait mis en la santé ou ^ il a aucune foiz esté; et lors savrons vérité de lui, et qui il est et de quel païs. Et certes, se je onques conui riens, je croi qu'il ait esté uns des bons chevaliers dou monde, et sera v : encore s'il plest a Nostre Seignor : car de mort n'a il encore garde, si com il me semble ; ce ne di je mie qu'il ne puisse :'^']\ ^^t., assez languir ou point ou il est orendroit. » Einsi dist li preudons de Lancelot, come cil qui molt ert sages durement. Si n'en dist onques chose qui voire ne fust tôt einsi come il l'avoit devisee. Car il le gardèrent en tel manière vint et quatre jors et vint et quatre nuiz que onques n'i but ne ne menja^'ue n'issi 15 parole de sa bouche, ne ne remua ne pié ne main ne membre qu'il eust, ne ne iist semblant par chose qui dedenz apareust qu'il fust en vie. Et neporquant toutes les foiz que len metoit en lui peine aucun, conoissoient il bien qu'il ert en vie. Si le plaignoient tuit et toutes molt durement, et disoient : « Diex ! 20 quel domage de cest chevalier,^ qui tant sembloit vaillant et preudom, et tant estoit biax, et or l'a mis Diex en tel point et en tel chartre ! « Einsi disoient maintes foiz cil de laienz de Lancelot et ploroient ; ne tant ne savoient encerchier qu'il le poissent conoistre por Lancelot. Et neporec maint chevalier 25 avoit laienz qui tantes foiz l'avoient veu qu'il le deussent bien conoistre.

/ En tel manière jut Lancelot vint et quatre jorz, que cil de laienz n'i atendoient fors la mort. Et au vintequatrisme jor avint entor midi qu'il ovri les eulz. Et quant il vit les genz, 30 si comença a fere trop grant duel et dist : « Ha ! Diex, por quoi m'avez vos si tost esveillié ? Tant je estoie ore plus aeise que je ne seré hui mes ! Ha, biax pères Jhesucriz, qui

s. GRAAL. 17

porroit estre tant bons eurez ne tant preudons que il veist apertcment les granz merveilles de vos secrez, et la ou mes regarz pechierres et ma veue conchiee de la très grant ordure dou monde fu essorbee ?» Quant cil quientor Lancelot estoient oïrent ceste parole, si orent trop grant joie et li 5 demandèrent que il a veu. « Je ai, fet il, veu si granz mer- ' veilles et si granz beneurtez que ma langue nel vos porroit mie descovrir, ne mes çuers meismes nel porroit mie penser, com grant chose ce est. Car ce n'a mie esté chose terriane, mes esperitel. Et se mes granz péchiez et ma grant maleurtez ne fust, j'eusse encor plus veu, se ne fustque je perdi la veue de mes euz et le pooir dou cors, por la grant desloiauté que Diex avoit veue en moi. v

Lors dist Lancelot a çax qui ilec estoient : «Biax seignor, je me merveil molt cornent je me sui einsi ici trovez. Car il 15 ne me sovient pas cernent je i fui mis, ne en quel manière. » Et cil li dient tout ce qu'il avoientveu de lui ctcomentil avoit demoré o ax vint et quatre jorz, en tel manière qu'il ne savoient s'il ert morz ou vis. Et quant il ot ceste parole, si comence a porpenser par quel senefiance il avoit tant demoré en cel 2( estât. Et tant qu'il s'apensa qu'il ot ou terme de vint et quatre /anz servi a l'aneiiii, por quoi Nostre Sires le mist en tel penitance qu'il ot perdu par vint et quatre jorz le pooir dou cors et des membres. Lors resa^arda Lancelot devant soi et vit la hère qu'il avoit portée près de demi an, dont il se voit ore 25 dessesi. Si l'em poise molt, car il li est avis qu'il ait en ceste chose son ve.u enfret. Et cil li demandent coment il li est. Et il respont qu'il est sain/ et haitiez. Dieu merci. «Mes por Dieu, fet il, dites moi en quel Icu je sui. ))Et cil li dient qu'il est ou chastel deCorbenyc. 3c

Lors vint une damoisele devant Lancelot, qui li aportarobe de lin fresche et novele ; mes il ne la volt mie vestir, ainz prist la hère. Quant cil qui entor lui estoient virent ce, si li

distrent : « Sire chevaliers, vos poez bien lessier la hère, car vostre queste est achevée ; por noient vos travailleroiz plus por quierre le Saint Graal ; car bien sachiez que vos n'en verroiz plus que veu en avez. Or nos ameint Diex çax qui plus en doivent veoir. » Por ceste parole n'en vout Lancelot riens lessier, ainz prist la hère et la vesti, et puis la robe de lin par desus, et après robe d^carlate tele corne len li aporta. Et quant il est ve&tuz et appareilliez, si le vienent veoir tuit cil de laienz et tiennent a grant merveille ce que Diex a fet de lui. Si ne l'ont gaires resgardé quant il le conoissent et li dient: « Ha ! messires Lancelot, estes vos ce? » Et il dit que ce est il. Lors comence la joie par laienz grant et merveilleuse. Si vont tant les noveles as uns et as autres que li rois Pelles en ot parler ; si li dist uns chevaliers: «Sire, merveilles vos puis dire.» — «De quoi?» fet li rois. — « Par foi, cil chevaliers qui tant a ceenz jeu come morz est orendroit levez sainz et haitiez ; fi sachiez que ce est messires Lancelot del Lac. » (Quant li rois l'entent, si est molt . liez et le vet veoir. Et quant Lancelot le voit venir, si se drece contre lui et dit que bien soit il venuz ; si li fet molt grant joie. Et li rois li dit les noveles de sa bêle fille qui ert morte, celé en qui Galaad fu engendrez. Si em poise molt a Lancelot, .por ce que si gentil famé estoit et estrete de si haut lignage.

Quatre jorz demora laienz Lancelot, dont li rois fist molt grant joie, car longuement avoit desirré qu'il le tenist o lui. /Mes au cinquième) or qu'il furent assis au disner lor avint /que li Sainz^Graax ot ja raemplies les tables, si merveilleusement que greignor plenté ne poïst penser nus hom.'En ce qu'il menjoient par laienz lor avint une aventure qu'il tindrent a grant merveille- Gar il virent apertement que li huis dou paies clostrent sanz ce que nus i meist main : si en furent molt esbahiz. Et uns chevaliers armez de totes armes,-

2éO LA QUESTE DEL S. GRAAL

et fu montez sur un grant cheval, vint devant la mestre porte et comença a crier : « Ovrez, ovrez ! » Et cil de laienz ne li voldrent ovrir. Et il cria totevoies et tant lor anuia que li rois meismes se leva dou mengier et vint a une des fenestres dou paies, de celé part ou li chevaliers estoit. Si le resgarda ; s et quant il le voit atendant devant la porte, si li dit: « Sire chevaliers, vo n'i entrerez ; ja nus qui si haut soit montez come vos estes n'i entrera, tant com li Sainz Graax i soit. Mes alez vos en vostre pais, car certes vos n'estes pas des compaignons de la Queste, ainz estes de çax qui ont lessié le ser- k. vise Jhesucristet se sont mis ou servise a l'anemi. »

Quant li chevaliers ot ceste parole, si est molt angoisseus, et tant a grant duel qu'il ne set que fere. Lors s'en retorne ; et li rois le rapele et li dit : « Sire chevaliers, puis qu'il est einsi que vos çaienz estes venuz, je vos pri que vos me diez is qui vos estes. » — « Sire, fet il, je sui del roiaume de Logres, et ai non Hestor des Mares, et sui frères monseignor Lancelot del Lac. » — « En non Dieu, fet li rois, or vos conois je bien ; si sui plus dolenz que devant, car il ne m'en chaloit gueres, mes or m'en chaut, por l'amor de vostre frère qui çaienz 20 est. »

Quant Hestor entent que ses frères est laienz, l'ome el monde que il plus doutoit por la grant amor qu'il avoit a lui, si dist : « Ha ! Diex, or double ma honte et croist plus et plus ! Or ne seré je ja mes si hardie que je devant mon frère viegne, 25 puis que je ai failli a ce ou li preudome et li verai chevalier ne faudrontpas. Voirement me dist voir li preudoms dou tertre, cil qui dist a moi et a monseignor Gauvain la senefiance de nos songes ! »

A tant s'en ist Hestor fors de la cort et s'en vet par mi le 30 chastel si grant oirre come il puet del cheval trere. Et quant cil del chastel le voient si foïr, si crient tuit après lui et le vont huiant et maudisant l'ore qu'il fu nez, et le claiment

RETOUR DE LANCELOT 2él

mauves chevalier et recréant ; et il en a si grant duel que il volsist bien estre morz. Si s'en vet fuiant tant qu'il vint fors dou chastel, et maintenant se feri en la forest la ou il la vit plus espesse. Et li rois Pelles revint a Lancelot et li dist les noveles de son frère ; dont il est tant dolenz qu'il ne set que il 5 doie fere. Si ne se puet tant celer que cil de laienz ne s'en aperçoivent, a ce qu'il li voient les lermes coler tôt contreval la face. Et por ceste chose se repent molt li rois de ce qu'il li avoit dit ; ne il fiel deist en nule manière, s'il cuidast que Lancelot en deust prendre sor lui si grant corroz. lo

Quant il orent mengié, si dist Lancelot au roi qu'il li feist aporter ses armes, car il voldra aler ou roiaume de Logres, ou il ne fu bien a passé un an. «Sire, fet li rois, je vos pri por Dieu que vos me pardoignez ce que je vos aportai noveles de vostre frère. » Et il dit qu'il li pardone 15 volentiers. Lors comande li rois que len li aport ses armes; et len li aporte et il les prent. Et quant il est apareilliez si qu'il n'i a fors dou monter, li rois li fet amener en mi la cort un cheval fort et isnel ; si li dit qu'il mont sus et il si fet. Et quant il est montez et il a pris congié a toz cels de laienz, 20 si s'en part et chevauche agranz jornees par mi les estranges païs.

Un soir avint que Lancelot se herberja en une blanche abeie, ou li frère li firent molt grant honor por ce que chevaliers erranz estoit. Au matin, quant il ot oïe messe et il 25 voloit oissir dou mostier, si resgarda vers destre et vit une tombe trop riche et trop bêle, qui estoit fête novelement, ce li sembloit. Et il torne celé part por veoir que ce est. Et quant il vint près, si la vit de si bêle façon qu'il set bien que desoz gist princes riches. Il resgarde vers le chief et voit 30 letres qui disoient : Ci gist li rois Bademagus de Gorre, QUE Gauvains li NIÉS LE ROI Artus ocist. )) Et quaut il ot ce, si n'est pas petit dolenz, car il amoit de grant amor le

roi Baderaagu. Et se ce fust uns autres qui l'eust ocis que messires Gauvains, il n'en poïst eschaper sanz mort. Et il en plore tendrement et fet duel merveillex et dist que trop est cist domages dolereus a çaux de la meson le roi Artu et a maint autre preudome.

Celui j or remestLancelot laienz molt dolenz et corrociez por amor doû preudome qui mainte honor li avoit fête. A l'endemain, quant il fu armez, monta en son cheval et comauda les frères a Dieu et se remist en son chemin. Et erra tant par ses jornees einsi come aventure le menoit que '^» il vint as tombes la ou les espees estoient dreciees. Et si tost come il vit celé aventuré, si se mist enz tôt a cheval, et resgarda les tombes. Puis se parti d'ilec et erra tant qu'il vint a la cort le roi Artus, ou li un et li autre li firent moh grant joie, si tost come il le virent, car molt desirroient sa venue et çax des autrei compaignons, dont il i avoit encore molt poi de revenuz JEt cil qui revenu estoient n'avoient riens fet en la Queste, dont il ont grant honte. -Si lesse or li contes a parler d'ax toz etretorne a Galaad, le filz Lancelotdel Lac.

Or dit li contes que quant Galaad se fu partiz de Lancelot> que il chevaucha mainte jornee si come aventure le portoit une hore avant et autre arrière, tant qu'il vint a une abeie ou li rois Mordrains estoit ; et quant il oï la novele dou roi qui atendoit , le Bon Chevalier, si pensa qu'il l'iroit veoir. L'endemain, si tost come il ot oïe messe, si vint la 25 ou li rois estoit. Et quant il fu laienz, li rois, qui longuement avoit perdue la veue e^ le pooir dou cors par la volenté Nostre Seignor, vit cler si tost come il aprocha de lui. Si se dreçaen son séant tôt erranment et dist a Galaad : « Galaad, serjant Dieu, verais chevaliers de qui je ai si Ion- ^^