RÉUNION DES TROIS HÉROS

venue. )j Cil de laienz, qui aval estoient venu si tost com la fîame fu esteinte, oïrent ceste parole ; si le tindrent a grant merveille et a miracle. Et Galaad prist le cors et Testa de la tombe ou il avoit esté si Jonc tens et le porta en mi le mostier. Et quant il ot ce fet, cil de laienz le pristrent et enseve- 5 lirent si com len devoit fere chevalier, car chevalier ot il , esté, -et firent tel servise come len devoit fere et l'enfoïrent devant le mestre autel. Et quant il orent ce fet, si vindrent a Galaad et li firent si grant honor com il onques porent greignor, et li demandèrent dont il est et de quel gent. Et il 10 lor en dit la vérité.

A l'endemain, quant Galaad ot oïe messe, si se parti de laienz et comanda les frères a Dieu, et se mist en sa voie et chevaucha en telle manière cinc anz entiers ançois qu'il venist a la meson au Roi Mehaignié. En en toz les cinc anz li 15 tint Perceval compaignie en quel leu qu'il alast. Et dedenz celui terme orent il si achevées les aventures dou roiaume de Logres, que poi en i veoit len mes avenir, se ce n'ert demostrance de Nostre Seignor merveilleuse. Ne onques en leu ou il venissent, tant i eust grant plenté de gent, ne porent estre 20 desconfit ne mené a psmai ne a poor.

Un jor br avint qu'il issirent d'une forest grant et merveilleuse/ Et lors encontrerent ou travers dou chemin Boort qui chevauchoit toz sels. Et quant il le conurent, ne demandez mie s'il en furent lié et joiant, car longuement 25 avoient esté sanz lui et molt le desirroient a veoir. Si le conjoïssent et li orent bone honor et bone aventure, et il a ax. Puis li demandent de son estre ; et il lor en dit la vérité et coment il a puis esploitié : si dit qu'il a bien cinc anz que il ne jut quatre foiz en lit ne en hostel ou genz mainsissent, 30 mes en forrez estranges et en montaignes lointaignes ou il fust morz plus de cent foiz, se ne fust la grâce dou Saint Esperit qui le reconfortoit et pessoit en toutes ses meseses.

<( Et trovastes vos puis ce que nos alons querant ? » fet Perceval. — « Certes, fet il, nanil,,mes je croi que nos ne départirons mes devant que nos aic^ns afiné ce por quoi ceste Queste fucomenciee. » — « Diex le nos otroit ! fet Galaad. Car se Diex me consaut, je ne sai chose qui tant me poïst fere lié corne vostre venue, car trop la désir et trop l'aim. »

Einsi rassembla aventure les trois compaignons que aventure avoit departiz.Si chevauchierent lonctens, tant qu'il lor iivint un jor qu'il vindrent au chasteLçie Corbenyc. Et quant il furent laienz et li rois les conut, si fu la joie grant et merveilleuse, car il savoient bien que a ceste venue faudroientlcs aventures dou chastel, qui tant longuement i avoient esté. Et la novele en vet amont et aval, tant.que tuit cil de laienz les viennent veoir. Et li rois PeJJ és plore sus Galaad son neveu, -et ausi font li autre qui ja l'avoient veu petit enfant.

Quant il se furent desarmé, El^ez^, li filz le roi Pelles, lor aporta devant aus l'Espce BrisieC'tlont li contes a ja devisé autre foiz, celé dont Joseph ot esté feruz parmi la quisse. Et quant il l'ot ostee dou fuerre et il lor ot contée la manière coment elle fu brisiee, Boorz i mist la main por savoir s'il la porroit rejoindre ; mes ce ne pot estre. Quant il vit qu'il i avoit failli, si la bailla a Perceval et dist : « Sire, essaiez se ceste aventure sera par vos menée a fin. » — « Volentiers, » fet il. Si prent l'espee einsi come ele estoit et ajoste les deus pièces ensemble ; mes rejoindre nés pot en nule manière. Et quant il voit ce, si dit a Galaad : « Sire, a ceste aventure avons nos failli. Or vos i covient essaier, et se vos i failliez,^ je ne cuit mie qu'elle soit ja mes achevée par home mortel. » Lors prent Galaad les deus pièces de l'espee et ajoste Tune a l'autre. Et maintenant reprennent les pièces si merveilleusement qu'il n'a pas home ou monde qui la briseure qui devant i estoit poïst reconoistre, ne que ele eust onques esté brisiee.