NAVIGATION MYSTIQUE
cstre que li uns tiengne compaignie a l'autre. Et por ce vos cornant je a Dieu, et vos pri, se vos venez a la cort le roi Artu, que vos me saluoiz monseignor Lancelot mon père et ceus de la Table Reonde. » Et cil dient, s'il vont celé part, que il ne l'oblieront pas. 5
A tant s'en partent li uns de l'autre. Si s'achemine Galaad entre lui et ses compaignons et chevalchent tant tuit troi que a la mer vindrent en mains de quatre jors. Et plus tost i fussent venu, mes il n'aloient mie la droite voie, come cil qui ne savoient mie très bien les chemins. . ' 10
Quant il vindrent a la mer, si troverent la nef a la rive, celle ou l'Espee aus estranges renges avoit esté trovee, et virent les letres au bort de la nef, qui disoient que nus n'i entrast s'il n'ert fermement créant en Jhesucrist. Et quant il sont venu au bort et il regardent dedenz, et voient que en 15 mi le lit qui en la nef ert fez estoit la table d'argent qu'il avoient lessiee chiés le Roi Mehaignié. Et li Sainz Graax estoit par desus, covert d'un samit vermeil, et estoit fez en semblance de touaille. Quant li compaignon voient ceste aventure, si l'aferent mostrant li uns a l'autre, et dient que 20 bien lor est avenu que ce qu'il plus amoient et desirroient a veoir lor fera compaignie jusque la ou il doivent remanoir. Lors se seignent et se comandent a Nostre Seignor et entrent dedenz la nef. Et si tost come il i furent entré, li venz, qui devant ce estoit quoiz et seriz, se feri el voille si angoisseu- 25 sèment qu'il fist la nef partir de rive et l'empeint en haute mer. Et lors comença a aler grant oirre, si come li venz l'aloit angoissant plus et plus.
En telle manière errèrent parmi la mer lonc tens que il ne savoient ou Dex les menoit. Totes les hores que Galaad 30 se couchoit et levoit, fesoit sa proiere a Nostre Seignor que de quelle hore qu'il Li requeist le trespassement de cest siècle, qu'il li envoiast. Si fist tant celé proiere main et soir que la
voiz devine li dist : «Ne t'esmaier, Galaad, car Nostre Sires fera ta volenté de ce que tu requiers : de quelle hore que tu demanderas la mort del cors, tu Tavras et recevras la vie de l'ame et la joie pardurable. » Geste requeste, que Galaad avoit fête tantes foiz, oï Perceval ; si se merveilla molt por 5 quoi il la fesoit ; si li pria sus la compaignie et sus la foi qui entr*ax devoit estre, qu'il ïi deist por quoi il requeroit telle chose. « Ce vos dirai ge bien, fet Galaad. Avantier, quant nos veismes partie des merveilles del Saint Graal que Nostre Sires nos monstra par sa sainte pitié, en ce que je ic voioie les repostes choses qui ne sont pas descovertes a chascun, fors solement aus menistres Jhesucrist, en cel point que je vi ces aferes que x:uers de terrien home ne porroit penser ne langue descrire, fu mes cuers en si grant sqatume et en si grant joie que se je fusse maintenant très- 15 passez de cest siècle, je sai bien que onques hom en si grant beneurtc ne morut come je feisse lors. Car il avoit devant moi si grant compaignie d'angleres et si grant plenté de choses esperitex que je fusse lors translatez de la terrienne vie en la celestiel, en la joie des glorieus martirs et 20 des amis Nostre Seignor. Et por ce que je quit que g'en serai encor en autresi bon point ou en meillor que je ne fui alors de veoir celle grant joie, faz ge ceste requeste que vos avez oïe. Et einsi quid je trespasser de cest siècle, par la vo^ lente de Nostre Seignor, en voiant les merveilles del Saint 25 Graal. »
Einsi dénonça Galaad a Perceval la venue de la mort, si come li devins respons li avoit enseignié. Et en la manière que je vos ai devisee perdirent cil del roiaume de Logres par lor pechié le Saint Graal, qui tantes foiz les avoit repeuz 30 et rasasiez. Et tôt autresi come Nostre Sires l'avoit envoie a Galaad et a Joseph et aus autres oirs qui d'ax estoient descenduz, par lor bonté, tôt autresi en desvesti il les malvés
