MÉMOIRE DE M. DE BAUGY
il ne fait aucun doute) et se saysir de tous les chefz de guerre, gens de conseil, et autres ministres Ëspagnolz qu*il retiendra prisonniers, et priera Tlnfante de ne se plus mesler du gouvernement.
Cela estant on se peut imaginer en quelle confusion seront leurs affaires, ladite Dame Infante ayant dit n'agueres que s'ilz estoient attaquez de deux costez seulement (non que de cinq, comïne ilz seront) ilz estoient perduz sans ressource, ce qui est d'autant plus croyable que ledit sieur comte de Warfusée asseure qu'ilz ne peuvent dans tout le Pays Bas mettre en campagne, les places demeurant foiblement garnies, plus de seize mille hommes de pied et quatre mille chevaux dont il n'y a pas plus de quatre mille Ëspagnolz naturelz.
M. le prince d'Orange estant venu a bout d'Anvers, comme il espère de faire en moins de tems que l'on ne pense, viendra trouver Sa Majesté avec toute son armée pour aller dans le Luxembourg ou à Cambray selon que l'on jugera estre plus facile et utile. Ledit sieur comte de Warfusée estant certain qu'il n'y a pas dans Cambray grande quantité de vivres, et de munitions.
Il conviendra que toutes les places que Sa Majesté prendra dans le Bi^abant, Flandres, Gueldres, Limbourg et Malines soient remises entre les mains de Messieurs les Estatz comme aussy celles qui seront prises par M. le prince d'Orange en leur nom dans Artois, Haynault, Cambray et Cambrésis, l'isle, Douay, Orchies, Namur et Luxembourg soient remises entre les mains de Sa Majesté.
Les Ëspagnolz estant chassez et le Pays Bas en repoz, le Roy trouvant bon d'aller en la Franche-Comté, Messieurs les Estats l'assisteront avec une armée de vint mille hommes de pied et de quatre mille chevaux pourveue de tout ce qui sera besoin à leurs despens.
Comme aussy tout ce que dessuz estant parachevé si Messieurs les Estatz estoient attaquez, ilz se promettent que Sa Majesté les assistera selon leur besoin.
Sa Majesté voulant entendre à ce que dessuz, son partement devra estre par elle aiusté avec M. le prince d'Orange au plus tost que faire se pourra, pour ne point perdre le tems ny la coniuncture.
Et Sa Majesté peut considérer que ce sera un puissant moyen non seulement de conserver la Religion Catolique dans lesdites provinces qui sont encores posseddées par les Ëspagnolz (ce qui peut estre n'auroitpas lieu si Messieurs les Estats s'en' rendoient maistres seulz et avec leurs propres armes, ou d'autres princes de leur Religion,
de quoy Sa Majesté et son Royaume recevroient un très grand preiudice) mais aussy de le restablir dans celles qui sont posseddées par Messieurs les Estais, lesquelz ne sçauront en quelle façon reconnoislre la grande obligation qu'ilz luy auront, et ne la pourront refuser d'aucune chose dont ilz seront par elle requis. Car véritablement elle les obligera au dernier point en prenant la résolution que dessuz, et ilz la tiendront pour le fondateur de leur repoz et liberté, ce qui les attachera tellement a ses interestz et de la France, qu'ilz se destacheront d'avec tous les autres princes qui y voudroient estre contraires.
Pour faciliter Tentreprise, et distraire les forces des Espagnolz, Ton juge estre a propoz de ne point avancer raccommodement des affaires d'Italie.
Sa Majesté est suppliée d'octroyer auxdits sieurs comte Henry de Berghes et de Warfusée ce qu'ilz luy demandent, dont' il y aura un mémoire à part, pour leur donner courage et moyen de la servir utilement, ayant esgard que pour montrer le désir qu'ilz en ont, ilz exposent à un danger manifeste tout ce qu'ilz ont au monde et leur propre vie.
Hz supplient Sa Majesté d'envoyer promtement les patentes et commissions pour faire les levées dont est faitte mention dans ledit mémoire avec l'argent et les provisions nécessaires, tant pour les faire que pour les entretenir durant six mois (qui est le plus long terme qu'ilz prennent pour parachever ces te entreprise avec l'ayde de Dieu) et de plus d'escrire à ceux de Liège pour les prier de permettre qu'elles se facent dans leur payz et de les favoriser.
Sa Majesté est aussy suppliée de faire dresser la minute d'une déclaration portant promesse de maintenir le pays dans tous les privilèges, voire de les augmenter si le cas y escheoit, et de les garentir de toutes foules et oppressions, dans laquelle déclaration sera particulièrement fait mention de la conservation de la Religion Calolique dans les provinces de sa répartition, comme pareillement Messieurs les Estatz en feront une pourlemesme suget al' esgard des provinces qui leur devront appartenir.
Laquelle minute de déclaration sera envoyée auxdits sieurs comtes pour la faire imprimer et envoyer à Sa Majesté à son arrivée à Marchien au Pont, afin de la faire publier et distribuer ou il conviendra selon l'aviz qui en sera donné par le comte de Warfusée.
Lesdits sieurs comtes supplient davantage Sa Majesté de trouver
