LIVRE IV

Sr. Boucher, pour lequel Vostre Majesté avoit escrit. Et dit quil avoit fait veoir, a la Congrégation des Esglises Gathedralles les raisons alléguées par le Chapitre de Verdun, et pour celuy quils avoient esleu. Et avoit esté trouvé que quand bien l'Esglise de Verdun seroit comprise es concordatz d'Alemagne comme ledict Chapitre pretendoit, l'eslection seroit nulle, et la provision d'icelle apartiendroit a Sa Stct6. pour avoir vaqué par le decedz d'un Cardinal. La dessus Monsr. le Cardinal Madruccio qui est Alemand de nation et d'affection, et d'ailleurs protecteur des affaires de l'Empereur quand vint son tour de dire son opinion remercia le Pape de ce qu'il reconnoissoit que le Chapitre de Verdun estoit compris es concordatz d'Alemagne et quil avoit droit d'eslection et disoit quil jugeroit ce différend par le texte des concordatz d'Alemagne et quand ce fut a moy a dire mon opinion, je dis que Sa Slct6. m'avoit fait cet honneur de me mettre au nombre de ceux de ladicte Congrégation des Esglises Cathedralles et que j'avois este présent a toutes les fois quelle s'estoit tenue et avoit dit mon advis : et mesme en ladicte cause dudict Chapitre de Verdun, mais il ny avoit point esté dict que le Chapitre de Verdun fut compris ez concordatz d'Alemagne ny quil eust droit d'eslection mais d'autant que le seul fondement dudict Chapitre estoit le concordat d'Alemagne, et

que par lesdictz concordats il est expressément porté que le Pape se reserve de pourvoir a toutes les Esglises et autres bénéfices qui vacqueront par le decedz des Cardinaux, ladicte Congrégation qui sçavoit que cet evesché vaquoit par le decedz de Mr. le Cardinal de Vaudemont, sans vouloir entrer plus avant a disputer et connoistre si le Chapitre de Verdun estoit compris esdictz concordatz ou non, avoit jugé que ores quil y fut compris, il n'avoit neantmoins pu eslire a cette fois,et que par les concordatz d'Alemagne mesme, sur lesquelz seuls il se fondoit, il auroit perdu sa cause. Et partant je supliois Sa Sainteté très humblement quil fut ainsy escrit en l'acte que le secrétaire du Concistoire en retiendroit, conformément a ce qui avoit estéarreslé a ladicte Congrégation. Et nostre S1. Père de l'advis du Collège l'ordonna ainsy.

» Et a ce propos, Sire, je ne veux obmettre que ledict S1'. Cardinal Madruccio feit en la susdicLe Congrégation tout ce quil peut pour nous faire délibérer sur ledict poinct gênerai si ce Chapitre de Verdun estoit compris es concordatz d'Alemagne ou non, mais je my opposay et l'empeschay formellement, remonstrant que depuis que le fait particulier se pouvoit vuider contre sa partie par son dire propre, ce seroit temps et peyne perdue d'entrer en ladicte dispute generalle, qui au fait particulier estoit super-

LIVIt E IV. [93

Que. J'adjoustay aussi quil ne falloit aisément entrer en une chose de si grande importance et de si grand préjudice quand ce ne seroit que pour le respect de ceux qui y avoient interest, qui estoient trois Princes les plus grands de la Ghrestienlé. Assavoir le Pape qui pretendoit que le Chapitre ne peut jamais en aucun caseslire et que c'est a luy a y pourvoir toujours plainement et librement, l'Empereur qui pretendoit que l'evesché de Verdun est compris es concordatz d'Alemagne, et que ledict Chapitre peut eslire es cas portez par lesdietz concordatz et Vostre Majesté qui tient ladicte ville en sa protection et qui a interest que ny par voie d'cslection, ni par voie de provision cet evesché ne soit accordé jamais par le Pape a personne qui ne soit au gré de Vostre Majesté comme aussi vous ne pourriez autrement souffrir qu'on en prist possession ny quon enjouist. Par ce moyen, Sire, j'obtins que les choses passassent par ou elles dévoient. Et avant que sortir de ce propos je ne veux obmettre d'advertir Vostre Majesté comme le Chapitre de Verdun, ou Piambouillet (Rambervilliers) par eux esleu, ou eux et luy tous ensemble ont en celait eu recours a l'Empereur qui eu a escrit non seulement audict Sr. Cardinal Madruccio, mais aussi au Pape et aux principaux Cardinaux de cette Cour en faisant son fait propre, comme si c'eusl esté pour un evesché de Bohême.

Et ont dit, allégué et produit infinies choses pour monstrer comme ils estoient d'Alemagne et non de France. En quoy ilzont monstre, non seulement leur peu de dévotion, mais aussi leur peu de prudence, en s'advouant et s'accommodant a celuy qui ne les peut de rien ayder, sinon que de rendre leur cause plus odieuse et desavouant et laissant celuy qui seul après Dieu a moyen de les faire contens et faire jouir de ce quils désirent.

» Quant a l'evesché de Toul, et le Chapitre et l'Esleu (Théodoric Thiriet) ont esté plus modestes, et n'ont rien dit n y produit ny fait, sinon que seulement demander un delay pendant lequel ils ont dit espérer que Vostre Majesté les honnorerait de ses lettres de recommandation en faveur de leur Esleu. Et celuy qui fait ici pour eux, m'a déclaré que sans le congé et recommandation de Vostre Majesté il ne vouloit rien faire, en quoy ils se montrent et plus devotz envers votre Majesté et plus sages et plus connaissans ou est leur proffict, ledict delay leur a esté accordé pour un mois, encore que j'aye remonstré que j'avois secondes lettres et fraichez par lesquelles Vostre Majesté persistoit tousjours en faveur du Sieur de la Vallée... »

Non seulement le roi faisait demander l'évêché de Toul pour Christophe dé la Vallée, mais la reine Louise de Vaudémont écrivit directement au Pape;