LIVRE IV. 2»i

très utiles au bien et advancement de mes affaires ; et s'il se peult davantage pour vostre contentement, prenez ceste confiance de ma bienveillance en vostre endroict, que vous ne pouvez affectionner le bien et la prospérité de prince plus desireuz de l'advancementde ceulx qui le servent d'affection que je suis. Et cependant, par ce que j'ay sceu que le Chappitre de l'Eglise Collegialle de Thoul1 seul s'est volontairement disposé a faire ledict serment, que ceulx de la Gathedralle ont reffuséje trouve d'aultantle debvoir de ceux-là louable et recommandais e, et en reçoysaultant de contentement, comme au contraire je me sens offencé de l'extrême ingratitude des autres et de les veoir si opiniastrement jusques a ceste heure, reculez d'entrer en la submission qu'ilz me doibvent beaucoup plus que les autres, non seulement comme a leur Seigneur protecteur, mais encores bienfacteur, estanz fondez et ayant reçeu ce qu'ilz ont de plus beaux moiens des lioys mes devanciers. Je differeray encores pour quelque temps les moiens que j'ay de les faire obeyr a ce que je leur puis commander en cela, sur l'espérance que j'ay que vostre exemple les y disposera, et ce que je leur oste de mauvaise interprétation et report que leur ont faict leurs députez de ma volonté, qui les ont asseu-