DEUXIEME LETTRE

DESCHIFFRÉ DE LA LETTRE DU COMTE DE SAINT PAUL DU l8 DÉCEMBRE I57I.

De Fontainebleau, ce 29 juillet.

Estant le Roy a Borgueil, monsieur de Lignersles fut tué ; et ay esté asseuré que c'estoit par le consentement et ose l'on dire commandement de la Reine mère, parce que Ion se doubtoit quil ne descouvrit au roy d'Espaigne des affaires qu'il avoit trop conneu par le menu.

Depuis ceste lettre escripte est venu ung bruict en ceste court que la reine de Nauarre ne viendra de quelques jours, et qu'elle a envoyé des lettres pleines de menaces que l'on monstre à chascun, qui m'augmente l'opinion que soient tous stratagèmes pour dissimuler leurs entreprises ; en quoy touttesfois les négotiations du duc de Florence suivent fort eschauffées, traictées par la Reine mère, l'ambassadeur de Florence, le conte de Raiz, Telligni et Frégose. »