I. Commencement de ladite manufacture

sans aucun dessein, aussi en quitta-il bientost l^exercice^ se contentant seulement de sçauoir diverses choses et d^en pouuoir parler passablement.

Mais, soit par le malheur du temps, soit par les procez suruenus après la mort de sadite mère, pendant son bas aage, soit par les debtes accumulées durant tous ces troubles, soit aussi par Pambition et auarice de ses plus proches : la pluspart de ses biens ayant esté vendus et dissipez, fut contraint d'auoir recours à ce qu'il auoit autresfois practiqué par plaisir^ pour subuenir à sa vie.

S^étant donc adonné à TlUuminure, feu Madame de Chasteauneuf ^ (que Dieu absolue) comme elle estoit Dame très-vertueuse et adonnée du tout à la pieté et déuotion, prit ledit Dupont à son seruice pour luy faire quelque paire d'heures dlUuminure, et autres ouurages. Dequoy s'estant fidellement acquité, il fit veoir aussi à la dite Dame quelque temps après (comme à la plus curieuse de Paris) quelques eschantillons de toutes sortes d^ouurages de Turquie feicts d'or, d'argent, de soye, et laine, lesquels comme chose non encore veuë^ elle présenta à la Royne Mère, qui les fit voir tout à Theure au feu Roy : Lequel peu de iours après allant voir les peintures de sa Gallerie, et de sa sale des Antiques, que feu M. Bunel son peintre faisoit alors, et entrant en la maison dudit Bunel, vid vn fonds de chaise faict d'ouurage de Turquie, que ledit Dupont y avoit laissé, et se resouuenant de ce que feue Madame de Chasteauneuf, en auoit rapporté à la Royne commanda à feu M. de Fourcy, Intendant de ses bastiments et manufactures, de faire venir ledit Dupont en sa présence, ce qu'il fit le lendemain en la Gallerie haute.