AGRIPPA D'AUBIGNÉ

La conjuration d'Amboise.

Ledict de la Renaudie fut esleu en ladicte assemblée, lieutenant d'un prince que l’on disoit avoir receu la protection de ladicte entreprinse, sans autrement le nommer, ny déclarer qui il estoit, que les lansquenets ont accoutumer d’appeler un chef muet; et luy furent baillés pour conseil six personnages sous lesquels il ne pouvoit rien faire, et environ trente capitaines bien expérimentés au faict des armes, pour estre soubs luy, et conduire ceux qui se devoyent trouver à l’entreprinse ; la marque de laquelle pour se recognoistre, estoit un esteuf mi-parti de blanc et de noir. Leur but estoit de déposséder lesdicts sieurs de Guyse de lauthorité que ils maintenoyent avoir esté par eux indeuement usurpée, et les faire déclarer.usurpateurs par la voye de justice, sans autrement rien attenter ny entreprendre qui fust prejudiciable au roy ny à son estat, comme il fust après cogneu, par le moyen d’un papier auquel le tout estoit escript d’une façon cogneue seulement à celui qui l’avoit escript, nommé La

Bigne, qui estoit ancien serviteur dudict de La Renaudie. Car estant pris après la mort de son maistre, promit pour sauver sa vie de déclarer ce qui estoit escript audict papier ; ce qu’il feit, et trouva bon que le premier article estoit couché en ces termes : « Protestation faicte par le chef et tous ceux du conseil de n’attenter aucune chose contre la Majesté du roy et les princes de son sang. Et estoit le but

VER ÿ.

Supplice des conjurés d'Amboise.

(D'après une gravure anonyme du lemps,

aussi de ladicte entreprise de faire observer ladicte coustume de France par une légitime assemblée des estats. »

Entre ceux de cette entreprise y en avoit plusieurs retenans la doctrine appelée nouvelle, lesquels on appeloit huguenauds. Ce nom ayant premièrement commencé peu de jours auparavant en la ville de Tours, à cause de la porte du roy Huguon, qui est l’une des portes de ladicte ville, auprès de laquelle ceux de ladicte religion avoient accoustumé se retirer pour faire leurs prières à leur manière accoustumée, à l’occasion de quoy le peuple les appela huguenauds, qui fut incontinent receu par ceux qui suyvoyent la cour, et depuis publié partout‘.

‘ D'autres étÿmologistes font dériver le mot huguenot de l'allemand eidgenossen

+ . . . . . Fr . à .

La Renaudie ayant rallié grand nombre de gens, en esleut jusques

au nombre de cinq cens chevaulx et quelques gens de pied, lesquels il

EMEA LEE TTIUIMTEUTTTT ILE = S Me LUS

Le cardinal de Lorraine et le duc de Guise en conférence avec Catherine de Médicis. Dans le fond, la conjuration d'Amboise.

(Dessin de Richardon. Gravure de Duflos).

feit-approcher de la ville d'Amboise. Le roy envoya, vers le lieu où il avoit esté adverti que aucuns des dessusdicts se devoyent rassembler. le duc de Nemours, avec quelques chevaulx, pour recognoistre

(conjuré;. Le roy Huguon, dont il s’agit ici, est un comte de Tours qui avait donné son nom au château de la cité (tour feu Hugon).

la vérité du rapport qui luy avoit esté faicte. Estans parvenu au lieu, il parlementa avec eux, et s’enquit pour quelle raison ils s’etoyent armés, et s’ils vouloyent faire perdre aux François la louange qu'ils ont tousjours eue d’estre fidèles et loyaulx à leur prince. Ils respondirent, par le baron de Castelnau, qu'ils ne vouloyent attenter aucune chose contre la majesté du roy; mais au contraire qu'ils estoyent armés pour maintenir sa personne et la police de son royaume; qu’ils vouloyent remonstrer à Sa Majesté les machinations et délibérations secrètes de ceux de Guyse contre sa grandeur, leur violence manifeste contre les subjects, l'oppression faicte par eux contre sa justice, de ses estats, des lois et coustumes de son royaume ; qu’en telle nécessité, ils vouloyent entretenir le nom de fidèles subjects qu’ils avoyent acquis de si long temps, et pour autant qu’ils se sentoyent obligés de faire ce qui estoit nécessaire pour la conservation de leur prince. Sur quoy ledict duc de Nemours leur remonstra que ce n’estoit pas la façon d’un subject de présenter quelques remonstrances à son prince avec armes et force ouverte, mais qu'il falloit venir avec révérence et humilité. A quoy ils respondirent que leurs armes ne s’addressoyent aucunement contre le roy, mais contre lesdicts de Guyse, qui leur estoyent ennemis, lesquels empeschoyent avec violence que aucun eust accès au roy, sinon ceux qu'il leur plaisoit. Qu'ils s’estoyent donc armés, à fin que si besoing estoit ils peussent malgré lesdicts de Guyse se faire voye jusques à Sa Majesté du roy, là ou estans, ils sçavoyent bien l'honneur et la révérence qu'ils luy devoyent porter.

Après ces propos et plusieurs prières dudict duc de Nemours de laisser les armes, et venir sur sa foy parler au roy, s’obligeant par foy de prince qu'il ne leur en reviendroit aucun mal ne danger, eux, s’asseurans sur sa parole, obeÿrent audict sieur duc de Nemours, disant qu'ils prenoyent pour grand advantage d’avoir accès libre au roy, Sans qu'il fust besoing de l’acquérir par arme ne par force. Mais estans arrivés à Amboise, furent incontinent reserrés en prison, tormentés par gehennes, condemnés comme coupable de crime de lèze-majesté, et avec eux d’autres qui furent pris, et sur le champ exécutés par diverses manières de mort, les uns décapités, et les autres pendus aux fenestres du chasteau d'Ambroise. Et entre ceux

qui s’estoyent mis entre les mains dudict duc de Nemours, sur sa parolle estoit ledict baron de Castelnau. Iceluy oyant lire sa condamnation, qui portoit crime de lèze-majesté, remonstra qu’il n’estoit aucunement apparu qu'il eust rien entreprins contre le roy, mais seulement qu'il s’estoit voulu opposer avec une grande partie de la noblesse de France à l'injustice de ceux de Guyse et que si une entreprise faicte contre un estoit crime de lèze-majesté, 1l les falloit prononcer roys de France, avant que de condemner de ce crime. Finalement que ne pouvant appeler devant les hommes d’une sentence tant inique, il en appeloit devant Dieu, lequel en brief feroit une vengeance exemplaire du sang innocent qui estoit respandu. De semblables propos usèrent plusieurs autres, lesquels ayans prié Dieu à haute voix et appelé Dieu pour juge de leur cause, moururent, contraignans plusieurs de plorer. Et est mémorable qu'un gentilhomme d’Angoulmois, frère de M. de Briquemonts, nommé Ville- Mongié, qui à l'instant fut exécuté, ayant trempé ses mains au sang de ses compaignons qui avoyent esté sur l'heure décapités, les esleva en haut vers le ciel tant qu’il peut, s’escrians avec telles paroles ou semblables : « Seigneur, voyci le sang de tes enfans injustement espandu, tu en feras la vengeance. »

Commentaires de l’Estat de la Religion et République soubs les rois Henry et Francois second et Charles Neufviesme.