HENRI IV

Responce du Roy à l’harengue de MF l'evesque de Tours.

A la vérité je recognois que ce que vous avés dit est véritable : Je ne suis pas auteur de nomination, les maux estoient introduitz auparavant que je ne fusse venu. Pendant la guerre j’ay courru ou le feu estoit plus allumé pour l’estouffer ; maintenant que la paix est venue, je feray ce que je dois faire en temps de paix. Je sçay que la Religion et la Justice sont les colonnes et fondements de ce Royaulme qui se conservent de justice et de pitié ; et quand elles ne seroient, je les y vouldrois establir, mais pied à pied, comme je feray en toutes choses. Je feray en sorte, Dieu aydant, que l’Église sera aussy bien qu’elle estoit il y a cent ans. J'espère en descharger ma conscience et vous donner contentement : cela se fera petit à petit; Paris ne fust pasfaict en un jour. Faictes par vos bons exemples que le Peuple soit autant excité à bien faire comme il en a esté précédemment esloigné. Vous m'avés exhorté de mon devoir, je vous exhorte du vostre ; faisons bien, vous etmoy, et si nous nous rencontrons, se sera bientostfaict. Mes précédesseurs vousontdonnédes parolles avec beaucoup d’apparat, et moy, avec jaquette grise, je vous donneray les effects ; je n’ay qu'une jaquettegrise; je suis gris par le dehors, mais tout doré au dedans.

os