CHAPITRE XXXII

Comment Vempereur Maximilian alla mettre le siège devant Padoue, et ce qu'il advint durant icelluy.

L'empereur se fist longuement attendre, dont il ennuyoit aux François ; mais vous devez aussi entendre qu'il arriva en la plaine en empereur , et si sa puissance eust bien voulu faire son debvoir, c'estoit assez pourconquester ung monde. Parquoy est bien requis que son équipage soit inscript, qui tel estoit. Il avoit cent six pièces d'artillerie sur roue, dont la moindre estoit ung faulcon, et six grosses bombardes de fonte qui ne se povoient tirer sur affust , mais estoient portées sur chascune une puissante charrette, chargées avecques engins, et quant on vouloit faire quelque baterie, on les descendoit, et quant elles estoient à terre, par le devant avecques ung engin on levoit ung peu la bouche de la pièce, soubz laquelle on mettoit une grosse pièce de boys, et derrière faisoit-on ung merveilleux taudis ^ de peur qu'elle ne reculast. Ces pièces portoient bouletz de pierre, car de fonte on ne les eust sceu lever, et ne pou voient tirer que quatre fois le jour au plus. Il avoit en sa compaignie que ducz, contes, marquis, et autres princes et seigneurs d'Almaigne bien six vingtz, et environ douze mille chevaulx, cinq ou six cens hommes d'armes bourguignons et hennuyers ; de gens de pied lansque-