Fâcher, incommoder

156 HISTOIRE DE BAYART

chasteau estoit defFensable pour ung long temps, si les coquins qui estoient dedans eussent riens valu; mais le cueur leur faillit incontinent. Car les approuches faictes, et que l'artillerie eut fait bien peu de berche^ et malaisée, fut sonné l'alarme pour aller à l'assault. Il falloit bien monter ung grant gect d'arc, mais ses aventuriers françois du cappitaine Meillault y furent soubdainement , et sembloit qu'ilz n'eussent mangé de huyt jours, tant légiers estoient. Ceulx de dedans firent quelque résistance, mais guères ne continuèrent, car en moins d'ung quart d'heure ilz furent emportez et tous mis en pièces. Ses aventuriers y firent assez bon butin, et entre autres choses y avoit sept ou huyt vingtz fort beaulx chevaulx. La ville et le chasteau furent renduz es mains du duc de Ferrare, qui les quérelloit, mais il presta trente mille ducatz. Deux jours après ceste prinse de Montselles deslogea l'armée, qui s'en alla droit devant Padoue où fut assis le siège.