Berche, brèche

qui là estoit pour son frère, y mist bonne garnison. Le duc de Ferrare estoit d'ung autre costé, faisant la guerre aux Véniciens; et en la mesme année leur donna une rotte* sur le Pau, qui ne leur porta guères moins de dommage que le jour qu'ils perdirent la bataille contre le roi de France. Car ainsi que lesditz Véniciens estoient délibérez luy destruire ung quartier du pays sur le Ferraroys, appelle le Polesine de Rovigo ^, misrent sur le Pau quatorze ou quinze gal- 1ères et trois ou quatre mille hommes dedans, et vindrent partans de Quyoze jusques àFrancolin^; mais le duc de Ferrare avoit fait faire deux bastillons, l'ung à Tendroit de la tour de Loiselin* et l'autre Alpopos^, qui sont l'ung devant l'autre, et avoit trois ou quatre mille bons hommes dedans et quatre bonnes gallères sur le Pau, bien armées et équippées. Il sceut que ses ennemys estoient descenduz en terre, où la pluspart il les alla trouver, et les deffist sans que nul en eschappast. Depuis, avecques ses gallères et autres grosses barques, alla combatre les gallères qui quasi estoyent toutes desnuées de gens, desquelles deux furent effondrées et six prises avecques tout l'esquipage et artillerie qui estoit dessus, dont il y avoit