C'est mon, vraiment

Ne tarda guères après ce propos que l'évesque de Grenoble, qui remercié eut très humblement le duc de Savoye, ne prist congé de luy pour s'en retourner à sa maison ; et ledit duc demoura à Ghambéry jusques à quelque temps après qui se délibéra d'aller veoir le roy de France, Gharles huytiesme, qui estoit en la ville de Lyon, où il se donnoit du bon temps à faire joustes, tournois et tous autres passe temps.

GHAPITRE IV.

Comment le duc de Savoye se partit de Chambéry pour aller veoir le roy de France Charles huytiesme, en sa ville de Lyon, et mena avecques luy le bon chevalier sanspaour et sans reprouche, lors son paige.

Le bon chevalier demoura page avecques le duc Gharles de Savoye bien l'espace de demy an, où il se fist tant aymer de grans, moyens et petis qu'oncques jeune enfant ne le fut plus. Il estoit serviable aux seigneurs et dames tant que c'estoit merveilles. En toutes choses n'y avoit jeune page ne seigneur qui feust à comparer à luy; car il saultoit, luytoit, gectoit la barre selon sa grandeur et entre autres choses chevauchoit ung cheval le possible, de sorte que son bon maistre le print en aussi grande amour que s'il eust esté son filz. Ung jour, estant le duc de Savoye à Ghambéry, faisant grosse chère, se déhbéra d'aller veoir le roy de France à Lyon, où pour lors estoit parmy ses princes et gentilzhommes, menant joyeuse vie à faire joustes et tournoys chascun jour, et au soir dancer et

16 HISTOIRE DE BAYART

baller avecques les dames du lieu, qui sont voulentiers belles et de bonne grâce. Et à vérité dire, ce jeune roy Charles estoit ung des bons princes, des courtois, libéraulx et charitables qu'on ait jamais veu ne leu. Il aymoit et craignoit Dieu, ne ne juroit jamais que par la foy de mon corps! ou autre petit serment. Etfutgrant dommage dont mort le print si tost comme en Taage de xxvm ans ; car, si longuement eust vescu, achevé eust de grans choses. Ledit roy Charles sceut comment le duc de Savoye le venoit veoir, et que jà estoit à la Verpillière% et s'en venoit coucher à Lyon. Si envoya au devant de luy ung gentil prince de la maison de Luxembourg, qu'on appelloit le seigneur de Ligny^, avecques plusieurs autres gentilzhommes et archiers de sa garde, qui le trouvèrent à deux lieues ou environ dudit Lyon. Si se firent grant chère lesditz duc et seigneur de Ligny, car tous deux estoient assez remplis d'honneur. Hz vindrent longuement parlans ensemble, et tellement que le seigneur de Ligny gecta son œil sur le jeune Bayart, lequel estoit sur son roussin qui trotoit fort mignonement, et le faisoit merveilleusement bon veoir. Si dist le seigneur de Ligny au duc de Savoye : « Monseigneur, vous avez là ung page qui chevauche ung gailiart cheval, et davantage il le scet manyer gentement. — Sur ma foy, dist le duc, il n'y a pas demy an que l'évesque de Grenoble m'en fist ung présent, et ne faisoit que sortir

1. La Verpillère, chef-lieu de canton, département de l'Isère.

2. Louis de Luxembourg, comte de Ligny, prince d'Altamura, grand chambellan de Louis XII, cousin germain du duc de Savoie par Marie de Savoie sa mère. Il était fils de Louis de Luxembourg, comte de Saint-Pol, connétable de France. Il mourut en 1505.

de l'escolle ; mais je ne veiz jamais jeune garson qui plus hardiement de son aage se maintint, ny à cheval ny à pied, et y a fort bonne grâce. Bien vous ad vise, monseigneur mon cousin, qu'il est d'une rasse où il y a de gaillars et hardiz gentilzhommes ; je croy qu'il les ensuyvra. » Si dist au bon chevalier : a Bayart, picquez ! donnez une carrière à vostre cheval! » Ce que le jeune enfant, qui pas mieulx ne demandoit, fist incontinent, et très bien le sceut faire ; et si, au bout de la course, fist bondir le cheval, qui estoit fort gaillard, trois ou quatre merveilleux saulx, dont il résjouyt toute la compaignie. « Sur ma foy. Monseigneur, dist le seigneur de Ligny, velà ung jeune gentilhomme qui sera à mon oppinion gentil galant, s'il veit, et m'est advis que ferez bien du page et du cheval faire présent au roy, car il en sera bien aise , pour ce que le cheval est fort bel et bon , et le page, à mon advis, encores meilleur. — Sur mon âme, dist le duc, puisque le me conseillez, je le feray. Le jeune enfant pour parvenir ne sçauroit apprendre en meilleur escoUe que la maison de France, où de tout temps honneur fait son séjour plus longuement qu'en toutes autres maisons de prince. »

Ainsi en propos cheminèrent si avant qu'ilz entrèrent dedans Lyon, où les rues estoient pleines de gens, et force dames aux fenestres pour les veoir passer ; car, sans mentir, ce duc de Savoye estoit fort beau et bon prince, très bien acompaigné; et à veoir sa contenance, sentoit bien son prince de grosse maison. Si s'en alla pour le soir, qui fut ung mercredy descendre à son logis où il retint le seigneur de

18 HISTOIRE DE BAYART

Ligny et ung autre appelé monseigneur d' Avenes * fîlz du sire d'Albret, et frère du roy de Navarre, qui estoit alors ung fort honneste et acomply seigneur, à soupper avecques luy, et plusieurs autres seigneurs et gentilzhommes, ou, durant icelluy, y eut force ménestriers et chantres du roy qui vindrent resjouyr la compaignie. Le soir ne partit point le duc de Savoye de son logis, ains il fut joué à plusieurs jeux et passetemps, et tant qu'on apporta vin et espices; lesquelles prises, chascun se retira à son logis jusques à lendemain au matin.