CHAPITRE LXI

De plusieurs incidences qui advindrent en France, Ytalie et Espaigne, en V espace de trois ou quatre ans.

Au retour de Bolongne, le roy de France vint à Milan, où après avoir laissé le duc de Bourbon, connestable de France, son lieutenant général, s'en retourna en ses pays; et alla droit en Prouvence, où il trouva sa bonne et loyalle espouse et madame sa mère, qu'il avoit à son partement laissée régente en son royaulme.

Vers ceste saison trespassa Ferrande, roy d'Arragon-, qui en son vivant a eu de belles et grosses victoires. Il estoit vigilant, cault et subtil, et ne