CHAPITRE VII

Comment Vabbé d'Esnay bailla cent escus au bon chevalier 'pour avoir deux chevaulx, et escripvit unes lettre à ung marchant de Lyon pour luy délivrer ce qui luy seroit nécessaire.

Il y eut plusieurs propos entre l'abbé et les deux gentilzhommes , mais à la fin il les mena à son logis, et fist ouvrir une petite fenestre, où d'une bourse qui dedans estoit, tira cent escuz, lesquelz il bailla à Bellabre, et lui dist : « Mon gentilhomme, velà cent escus que je vous baille pour achapter deux chevaulx à ce vaillant gendarme, car il a encores la barbe trop jeune pour manyer deniers. Je m'en vois escripre ung mot à Laurencin * pour luy bailler les habillemens qui luy seront nécessaires. — C'est très bien fait, monseigneur, dist Bellabre; et je vous asseure que, quant chascun le sçaura, vous n'y aurez sinon honneur. » Si fut demandé incontinent ancre et papier pour escripre à Laurencin, auquel il manda bailler à son nepveu ce qui luy seroit nécessaire pour s'acoustrer à ce tournoy, ymaginant en soy-mesmes qu'il ne sçauroit avoir à besongner pour cent francs de marchandise , mais il

1. La famille Laurencin comptait au commencement du xvie siècle parmi les plus considérables du commerce lyonnais : ce fut par son intermédiaire que Fabrice Garette, grand maître de Rhodes, se procura en 1513 les canons qui servirent si utilement dans le siège soutenu par son successeur contre Soliman. (Vertot, Histoire des chevaliers de Malte. 1722, vol. II, p. 1412.)

alla bien autrement, comme vous orrez cy-après. Incontinent que les gentilzhommes eurent leur lettre, après avoir pris congé de l'abbé, et par le bon chevalier l'avoir très humblement remercié de la courtoysie qu'il luy faisoit, s'en retournèrent dedans leur petit bateau, pour revenir à Lyon, fortjoyeulx de ce qu'ilz avoient si bien besongné. Si commença à parler Bellabre et à dire : « Sçavez-vous qu'il y a, compaignon ? Quant Dieu envoyé de bonnes fortunes aux gens, il les fault bien et sagement conduyre. Ce qu'on desrobe à moynes est pain beneist. Nous avons une lettre à Laurencin pour prendre ce qu'il vous fauldra, allons vistement à son logis avant que vostre abbé ait pensé à ce qu'il a fait , car il n'a point limité en sadicte lettre jusques à combien d'argent il vous baille d'acoustremens. Par la foy de mon corps ! vous serez acoustré pour le tournoy, et pour d'icy à ung an, car aussi bien n'en aurez-vous jamais autre chose. » Le bon chevalier, qui ne demandoit pas mieulx, se print à rire et luy dist : « Par ma foy ! mon compaignon, la chose va bien ainsy, mais je vous prie, hastons-nous, car j'ai grant paour que, s'il s'apperçoit de ce qu'il a fait, incontinent n'envoyé ung de ses gens déclairer pour combien d'argent il entend qu'on me baille d'habillemens. » Très bonne fut leur conception, comme vous entendrez. Si firent diligenter la pontonnière qui les rendit jusques auprès des Changes où ilz se misrent à bort, et incontinent marchèrent droit au logis de Laurencin, qui estoit en sa boutique, lequel saluèrent, et il, qui estoit fort honneste et bon marchant, leur rendit le semblable. Bellabre commença la paroUe et dist : « Par mon âme! sire Laurencin, mon compaignon et

moy venons de veoir ung honneste abbé ; c'est monseigneur d'Esnay. — Je vous prometz, c'est mon, dist Laurencin; c'est ung grant honmie de bien, et me tiens du nombre de ses bons serviteurs. J'ai eu en ma vie afaire à luy de vingt mille francs, mais jamais ne trouvay ung plus rond homme. — Mais ne savez-vous l'honnesteté qu'il a faicte à son nepveu, mon compaignon que vecy, dit Bellabre? 11 a sceu qu'il avoit touché aux escus de messire Claude de Vauldray, et qu'il se vouloit esprouver, pour honneur acquérir, comme ont fait ses ancestres, et sachant que nous couchions ensemble, tous deux nous a envoyez quérir ce matin, et estre arrivez, après nous avoir fait très bien desjeuner, a donné trois cens beaulx escuz à son nepveu pour avoir des chevaulx , et davantage pour s'acoustrer, de sorte qu'il n'y ait homme en la compaignie mieulx en ordre que luy, nous a baillé une lettre à vous adressant, pour lui bailler ce qu'il luy sera nécessaire. » Si luy monstra la lettre : il congneut incontinent le seing de monseigneur l'abbé. « Je vous assure, messeigneurs, dist Laurencin, qu'il n'y a riens céans qui ne soit à vostre commandement et de monseigneur qui m'escript. Regardez seulement qu'il vous fault. » Si firent incontinent desployer draps d'or, d'argent, satins brochez, veloux et autres soyes, dont ilz prindrent pour le bon chevalier jusques à la valleur de sept ou huyt cens francs, et puis prindrent congié de luy pour s'en aller à leur logis, et incontinent envoyèrent quérir tailleurs pour faire leur cas.

Or retournons ung petit à l'abbé, qui fut bien aise quant il se veit despesché^ de son nepveu. Si com-

i. Despesché, débarrassé.

32 HISTOIRE DE BAYART

manda qu'on apportast à disner où il eut de la compaignie; et entre autres propos commencea à dire tout hault : « J'ay eu une terrible estrayne à ce matin : ce garson mon nepveu de Bayart a esté si fol que d'aller toucher aux escuz de messire Claude , et pour s'acoustrer est venu à ce matin demander de l'argent : j'en ai esté pour cent escus. Et encores n'esse pas tout, car j'ay escript à Laurencin luy bailler ce qu'il luy demandera pour s'acoustrer sur le harnois. » A quoy respondit le secretain de léans ^ : « Sur ma foy ! monseigneur, vous avez bien fait. Il veult suyvre les prouesses de monseigneur vostre grant père, qui fut si vaillant homme, et tous ses parens. Je ne voy mal encecy que ung : il est jeune et voluntaire , vous avez escript à Laurencin qu'il luy baille ce qu'il luy demandera, je suis seur qu'il le fera quant il seroit question de deux mil escus. J'ay peur qu'il n'en preigne plus que vous n'entendez. » L'abbé va incontinent penser là dessus et respondit : « Par saint Jacques! secretain, vous dictes vray, car je n'ay point escript jusques à combien. » Si dist : « Qu'on m'appelle le maistre d'hostel, » qui vint sur l'heure.

« Acoup2, Nicolas, dist l'abbé, ung autre servira bien pour vous. Allez à la ville chez Laurencin, et luy dictes que je luy ay escript à ce matin bailler quelques habillemens à mon nepveu de Bayart pour le tournoy de messire Claude , qu'il luy en baille pour cent ou six vingtz francz, et non pour plus ; et ne faictes que aller et venir. » Ledit maistre d'hostel alla bientost, mais il partit bien tard. Quant il fut chez Laurencin, il estoit