Bibl. nat., mss. français, vol. 2975, p. 17. Original

la deffendre sans espérance de secours, car ilz sçavent bien que nous ne les sçaurions secourir de ce que nous aurons icy; et à ce qu'iiz mandent tous les jours je pense qu'elle se deffendra et qu'iiz^ ne l'emporteront point qui ne leur couste du temps beaucoup, et cependant si voz Suysses venoient je ne ditz pas que on ne essayast bien de les lever^. Quant à Mouzon, il n'est si bien equippé, car il n'a sceu avoir que m ou nii^ aventuriers, le reste jusque à mil hommes ce sont gens du pays, et n'a compaignie de gens d'armes que la sienne. Pour ceste raison je feiz hier partir la gendarmerie qui pourront estre environ iiic hommes d'armes et iront jusques aux portes dudict Mouzon qui les favorisera fort, et d'adventaige ilz mectront xxx hommes d'armes de la bende de Monseigneur, de monseigneur de Guyze et de la myenne, et ne sçauroient venir audict Mouzon que les Bourgongnons ne les veoient entrer dedans, mais la rivière de Meuze est entre deux et ne bougeront lesdicts gens d'armes de là autour qu'iiz ne veoient ce que lesdicts Bourgongnons vouldront faire. Et s'ilz passent la rivière leur rompront les vivres et feront tous les ennuyz que possible leur sera. Mondict sieur de la Roche ^ s'en va demain au matin après qui aydera à conduire cela

Sire, je prie Nostre-Seigneur qu'il vous doint très bonne vie et longue.

A Reims, le xiij° jour d'aoust.

Vostre très humble et très hobeyssant suget et servyteur,

Ghastillon.

Au Roy, mon souverain seigneur*.

Sire, tant et si très humblement que je puis me recommande à vostre bonne grâce. Sire, j'ay receu la lettre qu'il

i . Les ennemis.