Aire-sur- la- Lys (Pas-de-Calais

44 HISTOIRE DE BAYART

ordonné à son homme qu'il avoit envoyé devant. Si demourèrent une partie de sesditz compaignons avecques luy, qui menèrent joyeuse vie, luy demandant de son estât et comment il estoit bien heureux à son commencement d'avoir si bien fait contre messire Claude de Vaudray, et le louoient à merveilles. Mais oncques le bon chevalier ne monstra semblant d'en avoir joye, ains respondoit courtoysement à leurs parolles, et disqit : « Messeigneurs mes compaignons, le los qu'on me donne est à grant tort, il n'y a pas encores tant de bien en moy que je sceusse monter à grant pris; mais s'il plaist à Nostre Seigneur, moyennant vostre bonne ayde, je parviendray à estre ou nombre des gens de bien. » Or fut ce propos laissé, et parla on d'autres matières. Si coramencea à dire l'ung des gentilzhommes de la compaignie, appelle Tardieu*, homme joyeulx et facécieux, adressant ses parolles au bon chevaher : « Gompaignon, mon amy, je vous advise qu'en toute la Picardie n'y a point de plus belles dames qu'en ceste ville, dont vostre hostesse, que n'avez encores veue, en est l'une. Elle est allée aux nopces d'une sienne niepce, demain retournera, si la verrez à vostre ayse. Il est impossible que soyez venu tenir garnison sans escuz, il fault, à vostre arrivée, faire parler de vous, et par bien faire puissez aquérir la grâce des dames de ceste contrée. Il y a longtemps qu'il n'y eut pris donné en ceste ville ; je vous prie tant que je puis qu'en vueillez

1. Jean Tardieu, gentilhomme du Rouergue, qui suivit Bayart dans les guerres d'Italie. Le lieutenant criminel Tardieu dont a parlé Boileau dans sa x« satire, et qui fut assassiné ainsi que sa femme par des voleurs en 1666, était un de ses descendants.

donner ung entre cy et huyt jours , et ne me reffusez pas, s'il vous plaist, pour la première requeste que je vous ay jamais faicte. » A quoy respondit le bon chevalier : « Sur ma foy ! monseigneur de Tardieu, quant me demanderiez une beaucoup plus grosse chose, croyez que n'en seriez pas esconduyt; comment le seriez-vous de ceste cy, qui me plaist autant ou plus que à vous? et s'il vous vient à plaisir de m'envoyer demain matin la trompette, et que nous ayons congé de nostre cappitaine, je feray en sorte que serez content. » Tardieu lui dist : « Ne vous souciez de congé , le cappitaine Loys d'Ars* le nous a donné pour tousjours, car ce n'est point pour mal faire. Il n'est pas à présent icy, mais il y sera dedans quatre jours; si mal y a, j'en prens la charge sur moi. — Et bien ! doncques, respondit le bon chevalier, demain sera exécuté vostre vouloir. » Longuement demeura en propos la compaignie tant qu'ilz ouyrent sonner mynuyt. Si prindrent congé les ungs des autres jusques à lendemain matin, que ledit Tardieu n'oublia pas à venir au logis du bon chevalier, son nouveau compaignon, et luy amena une trompette de la compaignie , et le premier bonjour qu'il lui donna ce fut : « Compaignon, ne vous excusez plus, vecy vostre homme. »

1. Louis d'Ars, seigneur d'Ars, de Vouves et de Plaisance, capitaine de cent dix lances, d'une vieille famille du Berry. Une quittance de lui datée d'octobre 1520 et conservée dans le vol. 26117 des mss. fr. de la Bibl. Nat. (n» 498), est munie de son grand sceau, sur lequel on lit : loys. d'ars. d. dere. segr. de. vvovEs. d'ars. autour de son écusson. Plusieurs autres quittances, également avec sceaux, se trouvent au vol. 106 des pièces originales du cabinet des titres.

46 HISTOIRE DE BAYART