CHAPITRE XI

Comment le roy de France Charles huytiesme fist son appareil pour aller à la conqueste du royaulme de

\. Partissoit, avait sa part. '.

Naples, lequel il gaigna par sa prouesse et vaillance^ sans grande effusion de sang.

Deux ans après * ou environ, délibéra le bon roy Charles d'aller conquester le royaulme de Naples. Les occasions et moyens pourquoy il entreprint le voyage sont assez contenuz en autres histoires et cronicques , parquoy d'en faire icy long récit ne seroit que ennuyer les escoutans et gaster papier. Ce néantmoins, comme chascun peult avoir clèrement leu et entendu, ledit bon roy Charles fist sondit voyage tant honnorablement que impossible seroit de plus; planta ses justices dedans Rome, fist venir le pape à raison, et entièrement gaigna le royaulme de Naples, et y laissa pour son lieutenant général et vis-roy le seigneur de Monpensier^, puis se mist au retour pour venir en France et n'eut nul empeschement jusques en ung lieu appelle Fournoue^, où il trouva bien soixante mille combatans tous Italiens, et de plusieurs potentatz, comme du pape, des Vénitiens, du duc de Milan et