Appoinctement, accommodement
84 HISTOIRE DE BAYART
en disposer ainsi qu'il vous plaira. Et en signe qu'ilz veuUent demourer envers vous telz que je vous dis, vous font en toute humilité ung petit présent selon leur puissance, qui est de trois cens marcs de vaisselle d'argent, lequel il vous plaira prendre, en démonstrant que vostre yre est cessée sur eulx. » Alors se teut et fist apparoistre sur deux tables, bassins, tasses, gobeletz et autre manière de vaisselle d'argent que ledit seigneur de Ligny ne daigna regarder, mais en homme courroucé fièrement respondit : « Comment, meschans, lasches et infâmes, estes-vous si hardis d'entrer en ma présence, qui comme failliz de cueur, sans cause ny moyen, vous estes révoltez! Quelle foy désormais pourra y-je avoir en vous? Si on feust venu mettre le siège devant vostre ville, icelle canonner et assaillir, sc'eust esté autre chose; mais ennemy ne s'est jamais monstre , qui fait assez apparoistre que de vostre propre voulenté estes retournez à l'usurpateur de ceste duché. Si je faisois mon devoir, ne vous ferois-je pendre et estrangler comme traystres et desloyaulx aux croysées de voz fenestres? Allez, fuyez de devant moy, que jamais ne vous voye. » En disant lesquelles parolles, les povres citoyens estoient tousjours à genoulx. Alors le vaillant et prudent cappitaine Loys d'Ars mist le bonnet hors de la teste, et ung genoil en terre dist : « Monseigneur, pour l'honneur de Dieu et de sa Passion, faictes-moy ceste grâce que à ma requeste leur vueillez pardonner vostre maltalent^, car je leur ay promis, et jamais n'auroient
1. Pardonner vostre maltalent, leur pardonner d'avoir excité votre colère.
fiance en moy si m'aviez reffiisé. J'espère, monseigneur, que toute vostre vie vous les trouverrez bons et vrais subjectz. » Et les povres gens, sans attendre qu'on replicquast, commencèrent tous d'une voix à crier : « Monseigneur, il sera ainsi que le dit le cappitaine, au plaisir de monseigneur. y> Le bon seigneur de Ligny, ouye leur clameur, meu de pitié et quasi larmoyant, les fist lever et leur déclaira deux propos, l'ung d'amytié, et l'autre de rudesse, pour monstrer qu'ilz avoient grandement failly. Quant à l'ung dist : « Allez ! pour l'amour du cappitaine Loys d'Ars, qui tant m'a fait de services que pour beaucoup plus grosse chose ne le vouldrois refïuser, je vous pardonne , et n'y retournez plus ; mais au regard de vostre présent, je ne le daignerois prendre, car vous ne le valiez^ pas. » Si regarda autour de luy et advisa le bon chevalier auquel il dist : « Picquet, prenez toute ceste vaisselle , je la vous donne pour vostre cuysine. » A quoy soubdainement respondist : « Monseigneur, du bien que me faictes très humblement vous remercie, mais à Dieu ne plaise que biens qui viennent de si meschans gens que ceubc-cy entrent en ma maison ; ilz me porter oient malheur. » Si prent pièce à pièce toute ceste vaisselle, et à chascun qui estoit là en fist présent sans que pour luy en retiensist la valleur d'ung denier, qui fist esbahir toute la compaignie, car alors il n'eust sceu finer^ de dix escus. Quant il eut tout donné, partit hors de la chambre ; aussi firent les habitans. Si commença à dire le seigneur de Ligny à ceulx qui estoient
