Guerre guerroyable, grande guerre

lant cappitaine Loys d'Ars l'avoit logé, qui s'appelloit Monervyne, avecques aucuns de ses compaignons, ennuyé d'estre si longuement en caige sans aller veoir les champs, leur dist ung soir : « Messeigneurs, il me semble que nous cropissons trop en ce lieu sans aller veoir noz ennemys ; il en pourroit, de trop demourer, advenir deux inconvéniens ; l'ung que, par faulte d'exercer les armes souvent , deviendrions tous efféminez , l'autre que à noz ennemys le cueur pourroit croistre, pensant entre eulx que pour la crainte qu'en avons n'osons partir de nostre fort. Parquoy je suis délibéré d'aller demain faire une course entre cy et André ou Barlete*. Peult-estre aussi que nous trou verrons de leur costé coureurs, ce que je désireroys à merveilles, car nous nous pourrons mesler ensemble, et à qui Dieu en donnera l'honneur si l'emporte. » A ces parolles n'y eut celluy qui respondit autrement que à sa voulenté. Si firent le soir ceulx qui dévoient estre de la course regarder si riens ne failloit à leurs chevaulx, et se misrent en ordre comme pour achever ce qu'ilz a voient entrepris. Si se levèrent assez matin, et se misrent aux champs environ trente chevaulx, tous jeunes gentilzhommes , et bien déhbérez chevauchèrent vers les garnisons de leurs ennemys , espérans d'avoir quelque bonne rencontre.

Le jour mesmes, estoit sorty de la ville d'André, pour pareillement courir sur les François, ung gentilhomme espaignol, parent prochain du grant cappitaine Gonssalle Ferrande, qui s'appelloit domp Alonce de Soto-