Tours ^ services

130 HISTOIRE DE BÀYART

mettre, je ne sçay pas bien à quel tiltre, dedans Boulongne, pour commencer à chasser les François d' Ytalie, par subtilz et sinistres moyens fist révolter les Genevoys^ et mutiner le populaire contre les nobles, lesquelz ilz chassèrent tous hors de la ville et esleurent entre eulx ung duc appelle messire Paule de Novy-, homme mécanique et de métier de tainturier. Ung gentilhomme genevoys nommé messire Jehan Loys de FHsco^, qui estoit fort bon françois, le seigneur de Las^ qui tenoit le Ghastellet, et plusieurs autres en advertirent le roy de France ; et pour ce que le sage prince, qui en de telz affaires estoit assez congnoissant, veoit bien que si cela n' estoit bientost rabillé, il en pourroit sortir de gros inconvéniens , délibéra de passer les montz avecques bonne et grosse puissance ; ce qu'il fist à grande diligence, car pour beaucoup de raisons la matière le requéroit.

Le bon chevalier estoit alors à Lyon, malade de sa fiebvre quarte, qui sans la perdre l'a gardée sept ans et davantage; il avoit en ung bras ung gros inconvénient d'ung coup de picque que autresfois il avoit eu , et en avoit esté si mal pensé que ung ulcère luy en estoit demouré, qui n'estoit