Deffroy, entretien

qu'on nomma Godefa ^ . A leur duc fut la teste couppée et à ung autre nommé Justinien ~ ; bref ilz furent assez bien chastiéz pour ung coup.

Peu après se virent le roy de France et le roy d' Arragon, retournant de Naples en Espaigne, en la ville de Savonne^, et y estoit sa femme Germaine de Fouez, qui tenoit une merveilleuse audace; elle fistpeu de compte de tous les François , mesmement de son frère le gentil duc de Nemours, dont ceste histoire fera cy après mention. Le roy de France festoya fort bien le grant cappitaine Gonssalles Ferrande, et le roy d'Arragon porta gros honneur au cappitaine Loys d'Ars, et au bon chevalier sans paour et sans reprouche, et dist au roy de France ces motz : « Monseigneur mon frère, bien est eureux le prince qui nourrist deux telz chevaliers. » Les deux princes, après avoir esté quelques jours ensemble, prindrent congé; l'ung alla en Espaigne et l'autre retourna en sa duché de Milan.