DES CHIENS NOIRS ANCIENS DE
l'Abbaye Samcl Hubert, m Ardenne 9 Chap. V.
ES Chiens que nous appelions de Sainct Hubert doiuent estre communément tous noirs : toutesfois on ena tantmeslé leur race, qu'il en vient auiourd'huy de tous poils. Ce sont les Chiens dont les Abbez de Sainct Hubert ont tousiours gardé de la race , en l'honneur et mémoire du sainct qui estoit veneur auec sainct Eustache, dont est à coniecturer que les bons Veneurs les ensuyuront en Paradis auec la grâce de Dieu. Pour reuenir au premier propos, ceste race de
VENERIE PAR Chiens a esté semée par le pays de HaynauU , Lorraine, Flandres , et Bourgongne.Ils sont puissans de corsage : toutesfois ils ont les iambes basses
et courtes : aussi ne sont-ils pas vistes combien qu'ils soient de baut nez , chassans de forlonge, ne craignans les eaux ne les froidures , et désirent plus les bestes puantes, comme Sangliers, Regnards^ et leurs semblables , ou autres : parce qu'ils ne se sentent pas le cueur ne la vistesse pour courir, et prendre les bestes legieres. Les Limiers en sortent bons, principalement pour le noir : mais pour en faire race pour couurir, ie n'en fais pas grand cas : toutesfois i'ay trouué vn liure qu'yn Veneur adressait à yn Prince de Lorraine qui aimoit fort la chasse, où il y auait yn blason qu'iceluy Veneur donnoit à son Limier nommé Souillard , qui estait blanc :
De iaincl Hubert sorlil mon premier nom , ^ FiU de Souillard , Chien de lre4 grand renom.
lACQVES DV FOVILLOVX. ^
Dont est à présumer qu'il en sort quelques vus blancs » mais ils ne sont de la race des GrefDers que nous auons pour le iourd'huy.
LES SIGNES PAR LESQVELS ON PEVT cognoistre vn bon et beau Chien. Chap. Vt.
L faut qu'vn Chien pour estre beau et bon , ayt les signes qui s'ensuyuent. Premièrement ie commenceray à la teste , laquelle doit estre de moyenne grosseur y et est plus à estimer quand elle est longue que camuse. Les nazeaux doiuent estre gros et ouuerts , ^^ les oreilles larges et de moyenne espesseur , les reins courbez , le rable gros , les banches aussi grosses et larges : la cuisse troussée , et le iarret droit bien herpé , la queue grosse près des reins , et le reste gresle iusques au bout : le poil de dessous le ventre rude, la ïambe grosse , la partie du pied secbe , et en forme de celle d'vn Regnard, les ongles gros. Et deuez entendre qu'on ne voit gueres de Cbiens retroussez , ayans le derrière plus haut que le deuant y estre vistes , le masle doit estre court et courbé, et la Lyce longue. Or pour vous déclarer la signiGcation des signes , il est à sçauoir, que les nazeaux ouuerts signifient le Chien de haut nez. Les reins courbez, et le iarret droit , signifient la vistesse. La queue grosse près des reins, longue et desliee au bout, signifie bonne force aux reins , et que le Chien est de longue luilene. Le poil rude au dessous du ventre dénote qu'il est pénible, ne craignant point les eaux ne le froid. La iambe grosse, le pié de Regnard, et les ongles gros , demonstrent qu'il n'a point le* pié gras , et qu'il est fort sur les membres pour courir longuement sans s'agrauer.
