MO
Le Contrefait.
Rencontre le Fol et lutj dit :
Mon amy, Dieu le doint santé!
Le Fol.
Par Sainct Jacques! mais votre teste. .
Le Contrefait.
Où fait-on la solennité, La translacion à la feste ?
Le Fol.
Mais que de fouldre & de tempeste Soyez vous-mesmes abattu!
L'Aveugle.
Parle de ce qui nous compète.
Le Fol.
Voire tout plat.
Le Paraletique.
A qui l'as-tu?
Le Fol.
Pourtant, si je suis mal vestu, Doy-je estre ravalé de vous?
Le Paraletique.
A déa, si quelcung t'a battu, Pour Dieu! ne t'en pren point à nous.
Où est le moustier?
Le Fol.
A genoulx.
L'Aveugle.
Veescy bien sauvaige devise.
Le Muet.
Ha, hi, non, ha!
Le Fol.
De bon vin doulx !
— Ai\ — Le Contrefait.
Alons, alons, je voy l'église.
Le Priei h.
Le plus fort de notre entreprise Avons achevé par honneur, Le corps est mis par bonne guise Dedans la chasse de valeur, Le chief qui est plain de doulceur Aura ce vaisseaul pour sa part, Et au bras du benoist Pasteur Feray de ce joyau départ.
En lieu de desserte réale, Révérend Père, vous aurez Pour vostre église cathédrale Ung don que vous emporterez.
Du bras dextre douhé serez, Puis aurez des os deux ou trois.
Lesquels enchâsser vous ferez En or ou en argent de poiz.
Jhésu Crist, Prince & Roy des Roys, Et toi Martir très précieux, Je vous marcie à haulte voix De ce beau trésor plantureux, Par vostre sainct nom glorieux, Aydez, conservez, con fermez Et gardez de cas périlleux Notre église de Sainct-Mammès.
Le Contrefait.
Aveugle, à genoulx vous mectez Devant le bel reliquiaire.
L'Aveugle.
Si feray-je, ne vous doubtez, Puisque sommes au sainctuaire.
Le Paraletique.
Il seroit doncques nécessaire De ce muet mectre en arroy.
Le Muet.
Ha, hy, lion, ha!
Le Contrefait.
Laissez le faire.
Il s'agenoille comme moy.
Or alto.
Prélat puissant, Pasteur piteux, Qui pour la foy a receu mort, Regarde moy pouvre boyteux Et me donne quelque confort.
Tu sçeis que j'ay mis mon effort Pour venir cy en ta maison Requérir soûlas &. déport, Santé, remède à garison.
L'Aveugle.
Gemme reluysant, digne & chière. Je requiers confort & conseil.
Car privé suis de la lumière, Des esloilles à du soleil.
Pour oster la peine & traveil Que j'ay reçeu mainte saison, Donne moy pour don non pareil Santé, remède & garison.
Le Paraletique.
Regarde le paraletique Et le veulle reconforter,
Voy le mal qui me point <k picque, Terrible &. pèsent à porter.
Pour visiblement démonslrer Les vertus dont tu as foyson, Fay moy devant Dieu impélrer Santé, remède v\ garison.
Le Contrefait.
Pour ce muet en cas semblable, Te requérons bénignement, Car il n'a pas boucbe capable Pour toy prier dévotement.
L'Aveugle.
Fay qu'il puist sonner clèrement Bon langaige & bonne raison, Et luy donne présentement Santé, remède & garison.
Lors le Muel fait signe de dévocion comme les aultres, puis convnance à parler et tous les aidlres se monstrenl garis. Le Muet parle joyeusement.
0 Sainct de grant perfection, Digne Marlir régnant en gloire, Tu fais sur moy telle action Qu'à tousiours en sera mémoire.
Par ton confort à adjutoire Qui sçeit les povres consoler, J'ay éloquence péremptoire Pour bien langagier <x parler.
Le Contrefait.
Dieu marcy! je puis bien aller, Il ne me fault plus de potence.
Le Paraletique.
Et moy quy souloye trambler, Dieu marcy! je puis bien aller.
— 4U — L'Aveugle.
Noël!
Le Paraletique.
Qu'avez vous?
L'Aveugle.
Je voys cler, Mes yeulx sont en convalescence.
Le Contrefait.
Dieu marcj ! je puis bien aller, 11 ne me fault plus de potence.
Lk Muet.
Quant je vis par expérience Que vous veniez en ce voyage, Je fuz esmeu <k conscience D'y venir aussi faire hommage.
Or, a fait le très doulx ymage, Par miracle & nouvelleté, Que j'ay recouvert mon lengaige Àinsy que vous avez santé.
Le Contrefait.
Louons, louons la Trinité Et le bon martir Sainct Didier, Qui nous est en adversité Venu secourir & aydier.
L'Aveugle.
Nous debvons bien auctoriser Sa dévote habitacion Et tous les ans sollemniser Le jour de sa translacion.
Le Muet. Quant à inoy, j'ay intention De souvent visiter sa châsse Pour donner quelque oblacion Des biens temporels que j'amasse.
Le Paraletique.
Puisque le Sainct nous a fait grâce.
Achevons le pèlerinage, Si partirons de ceste place Marcyant Dieu de bon courage.
Lors vont baiser la châsse et faire leur offrande. L'ÉVESQDE.
Plus haulx faitz, plus bel avantage, Ne peult-on au monde quérir, Le Sainct préserve de dommage Quiconques le vient requérir.
Escripvez au vray, sans mentir, Les miracles & les beaulx fais, Affin que le benoist Martyr Soit honnoré des plus parfaictz.
Le Soubprieur.
Plusieurs livres en seront faictz, Monseigneur, sachez de certain, En quoy les vertueux effecls Seront tous escripts de ma main.
Mais pour faire honneur souverain A ceste relevacion, Le corps fault porter tout à plain En triumphe à procession.
L'Évesque.
A vostre persuasion Ne faiz aucune répugnance, Mais ouyr fault l'oppinion De messeigneurs les Pers de France.
Rains.
Chascun doit faire diligence De rendre au Sainct obédience,
Sans offence De péché ne de quelque vice,
Car pas n'a bonne intelligence Qui ne fait à sa précellence
Révérence De processions ou service.
Four louer son graftt bénéfice, Pour monstrer dévot exercice,
Par office, Chascun doit faire diligence, Si convient par loy ou police Qu'on soit prest, habile & propice,
Nom pas nice, De rendre au Sainct obédience.
Bourgoine.
Jadis Priam à ses enffans, Possesseurs du riche Ylyon, Faisoienl honneurs triumphans A l'ymage Paladion.
Or, quant par supersticion Se mectoient en tel debvoir, Pour si digne translacion Que ferons nous? Je ne sçay voir.
Laûn.
Àinsy que Moyse Fit, par bonne guyse, Fort recommander L'arche où estoit mise La loy très exquise Qu'on debvoit garder, Nous debvons orer, Servir, honorer, Par grant eflicasse Kt fort labourer Le Sainct à la chAsse.
Normandie.
Se jadis le noble Jason Contre l'enchantement des Dieux Laboura tant pour la toyson Qu'il en est parlé en tous lieux, Nous debvons faire encores mieulx Pour le Martir doulx & béguin, Et esniouvoir jeunes oc vieulx A le servir de cueur enclin.
Chaalons.
C'est ung Martir moût notable,
Délectable, Digne de bruyt &. d'honneur, De ceste Ville honnorable
Très louable Saulve garde &. gouverneur, C'est la verge de valeur
Et la fleur Portant fruyt soudainement, De quoy le législateur
Et docteur Escript au vieil testament.
Guyenne.
Valère, en ses dicts mémorables, Luculentement raconta Les bienvegnans incomparables Qu'on fit à Pessimionta, Le bon Nasica se mesla De parer son réclinatoire, Mais le Sainct qui repose là Est bien digne de plus grant gloire.
Noyon.
Quant d'Israël le populaire Fit au désert, pour soy retraire,
Maint tabernacle, Il gardoit en reliquiaire La saincte manne à luy fit faire
Beau réceptacle.
Ne mectons aussi nul obstacle, Mais honorons le digne oracle
De Sainct Didier Qui soudainement, par miracle, Par digne & haultain signacle,
Nous peult aydier.
Champaigne.
Titus, orateur solennel, Qui des faitz de Romme dicta, Parle du feu perpétuel Luysant au temple de Vesta, Combien que Romme y adiousta Confidence de tout son cueur, Oncques si grant bien n'y gousla Comme il y a on Sainct Pasteur.
Beaulvais.
La Bible auctenticque Mect l'honneur antique Qu'on manifestoit Quant, en lieu publicque, L'arche magnificque Lors se transporloit.
David y esloit Qui bien s'aquictoit De son monocorde, Doulx chant résonoit, Ung chascun sonnoit Harpe ou décacorde.
Flandres.
A l'example de ces doulx sons Que l'on faisoit anciennement, Je concludz que nous en fassions Devant le Sainct pareillement, Quiconques d'aucungs instruments Sçait faire jubilacion, Vienne jouer dévotement A la noble procession.
Toulouze.
Ayez chantz joyeulx De voix qui sont nettes, Luctz mélodieux, Typanes, sonnettes, Mandez vos trompettes, Clairons, simphonines, Fleustes & orguettes, Cors & chalemynes.
L'Évesque.
Princes & Pers, puisqu'il vous plait Que la procession se face, Ung chascun de nous est tout prest D'acompaigner la noble châsse.
Messagier, va-t-en en la place La procession publier Pour tout le peuple en bref espace Assembler &. multiplyer.
Il convient aussi que les rues Tu faces très bien nectoyer Et soient de tapis tendues Pour le bon Martir festyer.
Fais haultes lisses desplyer, Draps de soye, riche poincture, Et dy qu'on se veulle emplyer De trouver ramée ou verdure.
Tost-Prest.
Monseigneur, je mectray ma cure D'acomplir vostre mandement.
L'Évesque.
Or, va doncques.
Tost-Prest.
Et si vous jure Que je le criray haultement.
Lors le Messagier va en la place cryer ce qui s'ensuyl. Oyez : On fait commandement A tous, sans nulle exception, Qu'on se treuve présentement A la noble procession.
Chascun face, en brefve saison, Que les chemyns soient propices, Ostent de devant leur maison Choses sales & immondices.
Et pour vous bailler à entendre Tout ce que faire conviendra, Tappiz de couleur vous fault tendre Par où la châsse passera, La belle herbe se sèmera Dessus le pavement divers, Et le surplus paré sera De painctures ou rameaulx verds.
Le Fol.
Je viens de la foire d'Envers, Tout droit sans bouger de mon lit,
Mais les culz vers de vert convers M'y ont fait prendre beau délict.
Pardieu! ma marotte en vieillit, Elle passe la quarantaine.
Bona dies! Gauthier Mitainne, Le cousin de maistre Accipe, On m'a baillé ung Iiecipe, Mais il n'est pas d'apothicaire, Car qui pro quo le me fit faire Pour garir de la tirelire.
Marion, qu'avez-vous à rire?
Avez-vous hoché le prunier?
Je voy bien ce gracieux sire Qui veult percier votre panier.
Le premier Bourgeoys.
Messeigneurs, on a fait cryer Que toutes les rues tendons, Et pourtant je vous veul pryer Que de bon cueur y entendons.
Le second Bourgeovs.
A noz serviteurs commandons Qu'ils nectoyent tous les sentiers, Car je croy que, se leur mandons, Us le feront très volentiers.
Le tiers Bourgeois.
Suz, galans propres & légiers, A la besongne vous mectez, Et comme gentilz mesnagiers Nectiez les chemyns gastés.
Le quart Bourgeoys.
Il fault que beaulx lappiz tendez, Afin que tout soit décoré, Et que le hault chemin rendez D'herbes à de rameaulx parés.
422 — Le premier Bourgeoys.
Allons voir la solennité De la noble translation Pour laquelle en ceste Cité Se fera la procession.
Lors s'en vont les Bourgeoys.
Le Père a l'enfant mort.
0 la terrible affliction
Qui mon pouvre cueur poinct & serre,
Et si n'est consolation
Que je sçeusse en ce inonde querre!
Que ne suys-je cent pieds en terre!
Que ne suis- je transy <x mort!
Je feusse quitte de la guerre
Que fortune me fait à tort.
Hélas! hélas! tristesse amère, Me veulx-tu du tout oultrager?
Mieult vault que je me désespère, Pour ce grief martir abréger.
Rage se vient en moy losger, Ennuy me livre ses assaulx Et me cuyde faire plonger En une abisme de tous maulx.
Que feras-tu cueur doloreux,
Pourra-tu soffrir ce tonnent?
Nennyn, il est trop dangereux,
N'est pas? Ouy, certainement.
Quel remède? Fay aultrement.
Et quoy? Abrège ton martire.
Comment? Pren... Quoy? Quelque instrument.
Pourquoy faire? Pour toy occire.
Souspire cueur, pleure & larmoyé,
Mon œul soie tout esploré
Quant mon enfant que tant j'aymoye
Je voy mort & descoloré.
Je l'ay tout maintenant tiré
D'ung très horrible cv profond puys,
Dont je suis au cueur tant ire
Et tant doulant que plus n'en puis.
Mon fils, que fais-tu?
Regarde ton père, Se tu as vertu, Respond à voix clerc.
Que dira ta mère Quant mort te verra?
De douleur amère Tantost se morra.
Hélas! hélas! peu me proffite Le plorer & le lamenter, La complainte que je récite Ne me peult de mal excuser, Mais je veul mon enfant porter A Sainct Didier, devant la châsse, Car il a voulu conforter Tous ceulx qui ont demandé grâce.
Lors porte son enfant devant la châsse Saint Didier
La Mère a l'enfant malade.
Que feray-je, moy, pouvre lasse?
Je ne sçay mais que devenir, Car tant de deuil en moy s'amasse Qu'à peine me puis soustenir.
0 Dieu, veullez moy secourir, 0 Sainct Didier, martir très digne,
Ne laissez mon enfant morir, Mais luy envoyez médicine.
Vray Dieu ! qu'il endure de peinne, De maladie &. de détresse.
Il est mis à la grosse alainne Par le grief tonnent qui l'oppresse.
Si la fièvre qui fort le presse Ne cesse aucunement son cours, Je croy qu'il mourra de foiblesse Se Dieu ne luy donne secours.
Mon fdz, quant tu me souloye rire, J'en estoye toute refecte, Maintenant, je pleure &. souspire, Regardant ta face pallette.
0 pouvre nez, pouvre bouchette, Pouvre manton tout blesme & noir, Pouvre genoul, pouvre jambette, C'est grant pitié que de vous voir.
En toute lyesse, Nourrir te debvoye, Car pour ma viellesse Je te réservoye, Tousiours contendoye Ta santé garder Pour ce que cuydoye De toy amander.
Or, suis-je maintenant fraudée De ma parfaile inlencion, Se le Martir de renommée Ne me rend consolacion.
Bien scay qu'à sa translation A fait maint miracle plaisant, Si veul par grant dévotion Devant luy porter mon enfant.
Lors porte son enfant devant la châsse.
Lucifer.
En Flageton, le cruel fleuve ardent, Par désespoir je m'en iray plonger, Ou parmi Stix, palus tout confondant, M'iray voultrer sans jamais desloger, Puis qu'Aletho qui fait les maulx forger, Et Mégéra, l'infernale furye, Ne font mes gens habilement rangier Pour augmenter ma putte seignorie.
0 chiens infects, Tous forcenez, Dyables deffaicts, Empoisonnez, Venez, sortez, Trottez de tire, Oyez, nottez, Ce que veul dire.
Satham.
Vous nous faictes enrager d'ire, Ténéhrifer, beste cornue, La police de votre empire N'est-elle pas bien maintenue?
Notre cause est tant débatue Contre les droits de tous humains, Qu'il n'est dyable qu'il ne se tue Pour tout aggripper à deux mains.
Nous alons, nous venons, Nous faisons putte fin, Affin que plus gaingnons, Nous alons, nous venons, Homme nul n'espargnons Tant soit soubtil ou fin, Nous allons, nous venons, Nous faisons putte fin.
S'il y a rien soubz le mortier, Pourquoy vous vous plainnez si fort, Affin qu'on le puist rapoinclier, Déclairez nous qui a le tort.
Quant vous voy mener tel effort, Lucifer, prince confusible, Je ne souhaitte que la mort, S'il estoit de morir possible, Soiez ung petit plus paisible, Car je vous jure mon honneur, Que par fine force invisible, Je devienclray grant gouverneur.
Bélyal.
Je veul estre le promoteur Des grans causes de notre office, Je ne cognoys céans docteur Qui soit plus propre au bénéfice.
Satham devient truant & nice, Il est tout plain de lâcheté, Car s'il feust habille & propice Nous eussions Langres la cité.
11 convient qu'il soit réformé, Repris, rebacqué, taconné,
Car je suis très bien informé Qu'il est fol & désordonné, Se le pouvoir m'esloit donné De le corriger selon droit, Il seroit si bien taconné Que le dyable l'emporteroit.
Belphégor.
Lucifer, qui croyre vouldroit Ces ennemys plains de langaiges, Par leur caquet on osteroil A Satham ses droits & ses gaiges, Ce sont envieux personnages, N'y adjoutez foy ne créance, Car ils ne sont ne clercs ne sages Mais tous remplis d'oultreeuydance.
Cerbérus. Astaroth, qui a grosse pance, Et Bélyal, ce vieux fumier, Veullent-ils blasmer la vaillance De Satham, le bon coustumier?
C'est vostre sénéchal premier, C'est vostre grant entrepreneur, Et est hardy comme ung limier Qui chasse devant le veneur.
Lucifer.
Dyables, vous me crevez le cueur Par vostre langaige inulille, Avez-vous point montré rigueur Contre Lengres la difficile.
Vous debviez rompre le concilie Qu'ilz ont fait par bonne union Pour le Sainct qui pose en Ville Décorer de translacion.
Satham.
Pour quelconque lemptacion N'avons peu rompre l'ordonnance, Car le Sainct de perfection Envers Dieu a trop de puissance, Tous les jours fait grant habondance De beaulx signes miraculeux, Parquoy nous perdons l'alyance Qu'avons avec les vicieux.
Lucifer.
N'est-ce pas le Sainct marmiteulx Dont Croscus fit copper la teste.
Satham.
C'est Didier, martir vertueux, Qui est plus digne qu'ung prophète.
Lucifer.
Fault-il que ce qui nous compètc Par ce Didier nous soit osté, Je veul qu'en despit de la feste Que Croscus soit revisité.
Ennemys plains de faulcelé, Prenez le souffre &. le charbon.
Astaroth.
Tost, tost, ce payen soit frotté Et déffroissé comme ung jambon.
Bélyal.
J'ay ma tenaille & mon forgon Pour mectre à point notre fornaise.
Léviatham.
Çà, çà, maistre Demorgorgon, Je vous feray tanlost bien aise.
Belphégor.
Onques pute puant punaise N'eust le cul plus plat qu'il aura.
Cerbérus.
S'il luy fault chose qui luy plaise, Croyez que mon bien sien sent.
ASTAROTH
Je croy que tantost sentira La Hume qui est jà montée.
Bélyal.
Et je croy qu'il deschantera Le mal jour ou la tricotée.
L'Ame de Croscus.
0 malheureuse âme dampnée Par péché qui en moy habunde, De toute peine environnée Qui jusques au cueur me redonde, Pourquoy fus-je doncques né au monde Pour vivre tant desloyaulment, Pourquoy dure douleur profonde M'estraint incomparablement ?
A grand péché cruel torment.
L'Ame de Croscus.
Que n'ay-je creu en mon jeune aage Les Chresliens que j'exécutoye !
Que n'ay-je creu le bon langaige De ceulx que je persécutoye!
Tout le monde se deffyoye Tant estoit désordonné.
Es Ydoles je me fyoye Dont maintenant suis forcené.
Astaroth.
Qui ne croyt Dieu, il est dampné!
L'Ame de Croscus.
Mauldit soit mon malheureux père !
Maulditz soient tous mes amys!
Mauldicte soit ma pute mère !
Mauldict soit par qui suys cy mis !
Mauldictz soient les plus soublilz!
Mnulditcz soient mes serviteurs!
Mauldictz soient grans &. petis !
Mauldictz soient tous mes tuteurs !
Bklyal.
Pour une joye cent douleurs.
L'Ame de Croscus.
La mort ne me peult secourir, En elle ne doy espérer, Il me fault en vivant morir Et en mourant persévérer, En enduran I, me fault durer Et saulter de flamme en froidure, Tousiours durant pour endurer Sieste fière éy. laidure dure.
Léviatham.
La peine d'enfer tousiours dure.
L'Ame de Croscus.
Haro! j'ay au cueur grant despit, Grant desconforl, grant arrogance, D'estre dampné, sans nul respit, Pour ung peu de foie plaisance, De toute mondaine bobance J'ay volu cognoistre l'espreuve, Mais bien tard j'ay la cognoissance Que Dieu tels euvres point n'apreuve.
Belphégor.
Comme on faict son lict on le treuve.
L'Ame de Croscus.
Hélas! hélas! pourquoy feis-je oncques A Sainct Didier mille insolence, Qui gouvemoit au temps dadonques Son peuple en grant beignivolence!
Le dur ver de ma conscience Terriblement au cueur me tient, Quant je pense à la grant offense Dont ce marlire me survient.
Cerbérus.
Qui mal pourchasse, mal luy vient.
Lucifer.
Holà! ho ! dyables il convient Le houler en quelques ténèbres, Et puis ainsin qu'il appartient Tormentez luy teste &. cérèbre,
Corps, face <x palpèbre,
Bouliez ou latèhre
De nostre délubre,
Puis qu'on le térèbre
Par force illecèbre,
Turbide & lucubre.
Qu'esse que Lucifer célèbre ?
Je n'entend point ce fort latin, C'est alement ou besdouyn, Selon ce que je puis entendre.
Ne vouldroit-il point entreprendre De m'enseigner ce bon lengaige.
Je suis seigneur d'ung gros villaige Là où y a beaucoup de biens.
Sçavez-vous quels ? En une caige Foin & avenne pour trois chiens.
Ha! vous avez couché on fyens, Je le voy à vostre chemyse.
Ho! je voys chasser aux chrétiens, J'ay cy trop esté quant g' y vise.
L'Évesque.
Puisqu'il y a en ceste église Si noble congrégation, Il fouit que la châsse soit prise Pour porter en procession.
Le Prieur.
Qui aura la commission De porter ce bien singulier.
L'Évesque.
Trois seigneurs de religion Et trois de Testât séculier.
Le Soubprieur.
Or, Talons gentement chargier, Puisqu'il convient que le portons.
Le Grant Archidiacre.
Tout homme se veulle arranger, Il est heure que nous partons.
L'Évesque.
Quant en ordonnance seront, Chascun selon sa dignité, Faictes sonner cors & clarons En signe de joyeuseté, Jouez d'instruments a planté Par doulce modulacion, Jusqu'au lieu qui est limité Pour y faire la stacion.
Dijonxoiz.
Veesci haulte opération, Dieu doint qu'elle soit proflitahle !
Le Chantre.
Je veul par grant dévotion Commancer quelque chant notable.
Cantat.
Lors portent la châsse en procession jusqucs au lieu de la station cl la meclent illec sur un g aultel paré, puis dit : Le Père a l'enfant mort.
Puisque la châsse se repose, Il m'y fault mon enfant porter.
La Mère a l'enfant malade.
Et moy, je n'atends aultre chose Que d'y aller sans arrester.
Le Père a l'enfant mort.
// se mecl à gcnoulx puis dicl ccsle oroison : 0 Pasteur qu'on doit réclamer
Et aymer D'amour très loyalle & fervente, Par pitié veullez regarder,
Sans tarder, Mon enfant que je vous présente.
Par ma nonchalante imprudence,
Négligence, Je l'ay laissé précipiter, Or, luy rendez vye apparente
Et patente, Qu'il vous puist servir & doubter.
La Mère a l'enfant malade.
Oroison à gcnoulx.
0 Martir digne de mémoire,
Qui en gloire Toute lyesse possessez, Vers vous je demande adjutoire
Méritoire Pour les mauix que j'ay plus qu'assez.
Mon filz a les membres cassez
Et lassez Par grefve douleur importune, Je vous requier que le sanez
Et donnez Au mal médicine opportune.
Le Père a l'enfant mort.
Trouve son enfant ressuscité et dit :
Je croy que j'ay bonne fortune.
La Mère a l'enfant malade.
Comment?
Le Père a l'enfant mort.
Mon enflant resuscite.
La Mère a l'enfant malade.
Le mien monstre apparence aucune De santé.
Le Père a l'enfant mort.
Et le mien proffite.
La Mère a l'enfant malade.
Nul mal en mon enfant n'abile, Car il me rit très doulcement.
Le Père a l'enfant mort.
Et le mien desià se délicte De chemyner tout franchement.
La Mère a l'enfant malade.
Veesci beau miracle évident, Bien debvons louer le Marlir Qui sans guérir nostre accident Ne nous laisse du lieu partir.
Le Père a l'enfant mort.
Certes pas ne me veul tenir Que je n'aille baiser la châsse,
Et si veul tous les ans venir Puisqu'il m'a fait si belle grâce.
Lors vont baiser la chasse cl faire leurs offrandes. L'Évesque.
Vous avez veu en ceste place, Par beaulx signes miraculeux, Resusciter en peu d'espace L'enfant mort ix le langoreux.
Or, prenons ung train gracieux Et que nostre chant soit repris, Si portons le Sainct glorieux Au moustier où nous l'avons pris.
Lors rclornc la procession cl reportent la châsse en son lieu en chantant. Pais quant Hz sont <iu lieu, l'Evesquc dit : Remettons la châsse en son lieu Et en sa propre demorance, Puis dévotement louons Dieu.
Tour ceste notable ordonnance, Seigneurs, Princes <x Pers de France, Prélats à. Barons d'entreprinse, Je vous marcye à toute instance De la peine qu'en avez prinse.
Puisque la châsse est bien remise Dedans son église &. maison, Il fault que par bonne devise Faisons au Sainct notre oroison.
Le premier Bourgeoys.
Vous dictes très-bien.
Le second Bourgeoys.
C'est raison.
Le tiers Bourgeoys.
Monstrons siune d'humilité.
Le quart Bourgeoys.
Homme doit en toute saison Prier pour son utilité.
Le Bailly, à ycnoulx.
Martir de grant auclorité Qui jadis souffris passion Par l'inique perversité De Croscus, plain d'infection, Toute la congrégacion Qui en ton service se fonde, Préserve de la mort seconde!
Le premier Bourgeoys.
Préserve de la mort seconde Les dévotz qui te font honneur, Et s'il y a nul errabonde, Fay que toute grâce y habonde Pour complaire au doulx Créateur, Tu es tousiours notre Pasteur, Toy qui es & qui as esté Martir de grant auctorité!
Le second Bourgeoys.
Martir de grant auctorité, Par ta glorificacion, Veul maintenir la cité De Lengres en prospérité Sans quelque tribulacion, Et ceulx qui ont dévocion Devant la châsse pure & monde, Préserve de la mort seconde!
Le tiers Bourgeoys.
Préserve de la mort seconde Nous qui te servons de bon cueur, Car l'ennemy très furibonde Tousiours est prest et sitibonde
Pour nous bouter en quelque erreur, Garder nous peulx de cest horreur, Toy qui est tousiours réputé, Martir de grant auctorité!
Le quart Bourgeoys.
Martir de grant auclorité, Maintiens soubz ta protection Ta noble confraternité Qui est fondée en charité, En amour à dilection, Tous ceulx qui ont affliction D'y laisser des biens de ce monde, Préserve de la mort seconde!
Salnct Didier en Paradis.
Sapience doulce &. faconde, Haulte puissance insupérable, Qui as science très profonde, Inexhauste & inénarrable, Je fay ma déprécacion Pour Lengres, la cité louable, Jadiz mon habilacion.
Pour la région, Pour la nacion, Requiers ta bonté.
Faiz largicion, Donne porcion De félicité.
0 Divinité, Haulte immarcité, Luysante & florie, Garde en unité Le lieu, la Cité Et la confrarie!
Virgo Maria.
Mon Dieu, mon Père & mon désir, Le parfait de mon espérance, Exaulce, par ton sainct plaisir, Didier, garny de tempérance, Tous ceulx qui font leur demeurance Tant à Lengres comme environ, Soyent tenuz en asseurance Pour l'amour de leur sainct Patron !
Eslargis ta main,
Monstre ta haultesse,
Baille au gendre humain
Des biens à largesse,
Donne leur lyesse
Qui ne peult périr,
Car Didier ne cesse
De t'en requérir.
Deus.
Ma simple & seulle Déité Est tant miséricordieuse, Que tout cueur est reconforté Par ma doulceur très gracieuse, La péticion sumptueuse Que Didier devant moy recorde, Par affection curieuse, Volentiers j'exaulce à accorde.
Sainct Didier.
Mon Dieu, mon Saulveur magnificque, La noble Cité lingonicque Qui me loue de cueur parfait, Veulle garder!
Deus.
Il sera fait.
Sainct Didier.
Mes serviteurs & mes confrères Délivre des peines haustères, D'ennuy ou de villain forfait, Pour mon honneur!
Deus.
Il sera fait.
Sainct Didier.
Tous ceulx qui me feront service, Mais qu'ils délaissent mortels vices, Veulle leur octroyer de fait Lieu triumphant.
Deus.
Il sera fait.
Didier, ma volenlé complait A la tienne totalement, Ce qui te plait aussy me plait, Je feray ton contentement.
Épilogus Ludi.
Rien n'y a soubz le firmament Qui ne preingne conclusion Toute chose commencement A fin & terminacion, Aussi noslre opéracion De Saint Didier, noble marlir.
Fine cy sa narracion, Car il est heure de partir.
Mais pour vous ung petit la vie Du benoist Prélat recoler :
Monslré avons que par envye Wandres le firent décoler.
Chascun luy vit son chief copper Après les tormens exécrables, Puis vous l'avez veu translater, Faisant signes innumérables.
Si avons à regracier De toute notre intelligence, Collauder & remarcier La Seignorie d'excellence Qui, par doulce bénivolence, Nous a preste bon auduitoire Pour ouyr en paix 6c silence Le mistère ou dévot histoire.
Et, au surplus, s'il y a point Des joueurs aucung mal apris Qui ait fait quelque mauvais point, Recepvez le en gré pour son pris, Priant au Martir de hault pris Que puissions, par son habitude, Régner au céleste pourpris, Enrichy de béatitude.
