ROBIN
(Test très bien dit. Or, nous hastons.
Symonet.
Tantost mais qu'on soit au moustier.
L'Arcevesque de Lyon, assh en Chappitre, dut : Messeigneûrs quej'ayme & très chier, Ainsy comme je suis tenu, Vous m'avez envoyé sercher.
Pourtant suis à Lengres venu.
S'il y a rien, gros ou menu, En quoy je vous puisse servir, Déclairez moy le contenu Car ad ce me veul asservir.
Le Doyen.
Monseigneur, sachez, sans mentir, Que depuis certain temps passé, Par mort qui tout fait départir, L'Évesque Juste est trespassé. ( ir, est ce Chappitre amassé Allin qu'élection se face.
Dieu qui le monde compassé, V veulle pourvoir par sa grâce!
Si avons ceste audace priuse De vostre personne inviter, Supplyant qu'à ceste entreprinse Veullez seulement assister, Premièrement, pour nous donner Conseil, confort, direction; Secondement, pour ordonner L'estat de nostre élection.
L'Arcevesque.
Vous avez bonne intencion, Corne je puis apparcevoir.
Dieu veulle vostre affection Aggréablement recepvoir!
Mais vous sçavez que pour porvoir A si notable dignité, Ung électeur ne doit avoir Amour ne favorablelé.
Qui esse qui ose aprocher
De si digne vocacion,
Quant Sainct Marc voull son doy trancher,
Affin qu'il n'eust prélacion?
Les hystoires font mencion
Qu'Ammonius fit par rigueur
De son oreille incision
Pour éviter si grant honneur.
Sainct Pol nous dict, en ses épistres Où maint mystère est révellé, Que nul ne doit appeler mittres, S'il n'est corne Aaron appelle ; Et combien qu'il ait récité Qu'on peult désirer prélature, Il n'entend pas l'auctorité, Mais le soing, la charge & la cure.
Si la chose est tant difRcille Pour laquelle nous labourons, Qui esse qui sera habille, Qui esse que nous eslirons?
Je vous diray que nous ferons Pour abolir dubiété :
En tout nous en rapporterons A la divine volonté.
En négoce dubitatif, On doit recourir franchement Vers le hault bien infinitif, C'est Dieu qui tit le firmament.
Le Trésorier.
Vous en parlez tant prudamment, Qu'on ne pourroit mieulx ce me semble.
DlJONNOIZ.
Vous monstrez bien évidamment Qu'en vous toute vertu s'assemble.
L'Arcevesque Pourtant concludz que tous ensemble, Sans discorde ou division, Vers celluy soubz qui enfer tramble, Nous mettons en dévotion, Chascun face pétition Par humilité actuelle, Et ce pour invocation De la grâce spirituelle.
TONNOIRROIZ.
Vous nous baillez doctrine beHe, Benoist soit-il qui la croira!
Barrotz.
Pour impétrer i;râce nouvelle, Vous mois baillez doctrine belle!
L'ÀRCEVESQl E.
Dieu par sa pitié sollennelie,
S'il luv plaît nous regarder;).
L'Auxoiz.
Vous nous baillez doctrine belle,
Benoist soil-il qui la croyra !
Bassigny.
Chascun son oroison fera.
Le Chantre.
Chascun crira à Dieu marcy.
Le premier Chanoisnk.
Qui esse qui commencera?
Le second Chanoisne.
Qui? Déa Monseigneur que voycy.
L'Arcevesque.
Très bien!
Le Doyen.
11 se doit faire ainsy.
Demandons de Dieu les vertuz.
Et puis nous chanterons aussy
Veni, Creator Spiritus.
L'Arcevesque ue Lyon, à genoulx.
0 vray rédempteur d'Israël!
0 vray espoir de Mysaèl!
Où Jaèl Print sa force & son asseurance ; Qui enlumynas Danyel, David, Moyse, Ezéchyel,
Samuel, Et plusieurs de ton accointante ;
Nous avons en toy espérance, Pourtant requérons ta puissance,
Par instance, (> vray rédempteur d'Israël!
i ;i\ nous <i unii prélat démonlrance, Qui face y, par bonne ordonnance.
Ta plaisanee, 0 \ia\ espoir <le Mysaël !
Le Doyen, à genonlx.
0 souverain triumphateur, De toute gloire infinité, Donne nous ung saige pasteur Oui soit prudent dispensateur Des fruitz d'ieelle dignité, Ou qui gouverne la Cité, Par police & bonne conduicte, Selon seigneur madgnye duytte.
Le Trésorier, àqenanlx.
Mon Dieu! j'eslève à toy les yeulx Par doulce contemplation, Requérant que de tes sainclz cieulx, Veulle pourvoir de bien en mieulx Nostre estât & vocation.
Exaulse mon oracion, Non obstant que suis délinqueur; Bon vouloir procède du cueur.
Dijonnoiz, à (fcnonlx.
0 paternelle Déyté, Qui tout peulx & sçayz ordonner, Lengres, ayant perplexité Et vivant en viduité, Ne veulle pas habandonner, Mais te plaise jiMsteur donner Oui la puist garder de meschief; Membres ne vaillent riens sans cbief.
TONNOIRROIZ, à getioxilx.
Impérateur très glorieulx, Plus cler que saphiz ne rubiz,
Donne nous prélat curieulx
D'envahyr les loups Curieulx
Qui sont plus durs que mabre biz.
Regarde en pitié tes brebiz,
Et leur envoyé ung deflètiscur; Troupeau sans berger n'est pas seur.
Bakroiz, à genoulx 0 déificque Celsitude, Régnant au hault ciel stellifère, Par ta saincte béatitude, Pour guérir nostre amaritnde, Prélat propice nous confère.
Plus ne tarde, plus ne diffère, Mon Dieu, mon père omnipotent; Car trop ennuyé qui atant.
L'Auxoiz, à genoulx.
Divinité inmarcessibie, Trésor de toute sapience, Relucence incompréhensible, Donne à ma voix, s'il est possible, Par devant toi clère audience ; Ne permectz que ma conscience, Mon exauldicion empesche ; Il n'est si juste qui ne pèche.
Bassigny, à genoulx.
0 Jhésu Crist, pierre angulaire Où la foy print fondacidn, Qui le monde triangulaire Racheptas de perdicion, Ueçoy la déprécacion Que je te présente & recorde, Et nous donne provision Par ta saincte miséricorde.
Le Chantre, à genoulx Nonobstant que je soye indigne De In saincte grâce implorer, Roy îles Roys, Puissance divine, Je te viens prier <k orer, Affin que tousiours demeurer En paix, en amour, en concorde, l'ny que puissions bien labourer Par ta saincte miséricorde.
Le Premier Chanoisne, à genoulx
0 Puys de grâce melliflue,* Sur tous décorant à foyson, Je t'appelle, je te salue, Nompas si bien que de raison, Regarde en pitié ta maison Qui à Ion service s'accorde, Et pran en grey notre oroison Par ta saincte miséricorde.
Le second Chanoisne, à genoulx.
Devant toy nie meetz à genoulx, Mon Dieu, mon Roy, mon Souvenu, l 'riant que puissions entre nous Ceste élection parfournir; l'a\ ung bon Évesque venir. Qui vive à Lengres sans discorde, El le nous veulle maintenir Par la saincte miséricorde.
L'ÀRCEVESQUE.
Haultain plasmateur, Digne créateur,
Par qui toute erreur S'anicbille el l'ont.
Reçoj ta clameur, Entend la rumeur,
Que du bon du eueui
Tes serviteurs font.
Lors se lèvent.
Puis qu'avons fait noz oroisons, Il t'ault qu'aultre chose faisons, Ça, chantez, Domine cantor.
Le Chantre.
Que voulez-vous que nous disons?
L'Arcevesque.
Affin que tout bien perfaçons, Gommancez : Veni, Creator.
Lors le Chantre commence Peni, Creator et tous se meclent à genonlx, puis Gabriel se trouve au lieu et dict :
Gabriel.
Clergé bon oc eatholicque, Dévot peuple ecclésiasticque, Servant Dieu, le souverain Roy, Entend la voix archangélicque Que Dieu, de son trosne auctenticque, Te mande à cesle heure par moy.
Ung Évoque je te révèle
Qui par droit nom Didier s'apelle,
A Gennes fait sa résidence.
Combien qu'à la cherrue belle
Face labour continuelle,
Dieu veult qu'il ait la préférence.
Onques n'estudia science,
Mais Dieu luy donna sapience
Assez pour le peuple informer.
Il plaist à la divine essence
Que bref, à toute diligence, Soit quis à Gennes sur la mer.
Lors s'en rêva subbit après qu'il a parti'.
Admirations soient faicles.
Le Doyen.
Qu'esse là?
L'Arcevesque.
Voix qui est damer.
Le Trésorier.
Quelle \<>i\ ?
L'Arcevesque.
D'exaudicion.
DlJONNOJZ.
Le son est doulx.
L'ARCEVESQUE
Pas n'est amer
TONNOIRROIZ.
Que faicl-elle?
L'Arcevesque.
Révélacion.
Le Doyen.
Connue quoy?
L'Arcevesque.
Démonstration. . .
Le Trésorier.
h'iing bon prélat. . . .
L'Arcevesque.
Bon & entier.
DlJONNOIZ.
Quel homme?
L'Arcevesque.
De dévocion
— Di — ToNNOlHKOIZ.
Son nom'?
L'Arcevesque.
Il s'appelle Didier.
Le Doyen.
Bien te debvons regracier, 0 souveraine majesté.
Barroys.
Pour tes haulx dons remarcier, Bien te debvons regracier.
L'Auxoys.
Trop ne pouvons magnifier Ta puissance &. bénignité.
Bassigny.
Qui en toy ne se veult fyer, Il erre contre vérité.
Le Chantre.
Bien te debvons regracier, 0 souveraine majesté.
Le Doyen.
0 vray Dieu, comme ta bonté Est gracieuse & pitoyable!
Nous estions en perplexité D'avoir ung Evesque louable, Mais ta doulceur inestimable, Ta clémence, ta charité, A transmis ung ange amyable, Pour oster la difficulté.
L'Arcevesque.
Seigneurs, vous avez escoutté La révélation divine.
Si fault aller vers la cité De Germes, prèz de la marine,
Quérir la personne bénigne Oui doit estre vostre pasteur.
Barroys.
Quant est de moy, je détermine D'y aller.
Et moy de bon cueur.
Vous estes deux hommes d'honneur, Pourtant, je vous donne ma voix.
Barroiz.
11 nous l'ault aussy deux bourgeoys, Pour mieulx Testât entretenir.
Mais il convient d'aller ainçoys Sçavoir s'il leur plait de venir.
Le Secrétaire.
Puisque j'entends vostre désir, Tantost les voys faire monter.
Bassigny.
Suz, Symonet, prans le loysir De bien noz chevaulx aprester.
Symonet.
J'y voys donc.
BARROIZ
Tu n'as (jue tarder, Il faut partir légièrement.
Symonet.
N'en parlez plus, je voys brider, Vous monterez présentement.
Le Secrétaire.
Seigneurs, vous sçavez bien cornent Dieu nous a prélat révélé, Qui es! de Gennes proprement, El par nom Didier appelle.
Si ont en uhappitre parlé De sercher & d'y besongner,
Pourtant ne soit de vous celé, Si les voulez accompaigner.
Le tiers Bourueov.-.
Puisque Dieu l'a volu noncer Par ung ange plaisant i.v doulx, Très bien nous voulons avancer De le quérir avec vous.
Le Secrétaire.
Mais qui viendra?
Le quart Bourgeoys.
Deux d'entre nous.
Voyre lesquels que vous vouldrez.
Le premier Bourgeoys.
Vous estes le plus fort de tous, Si conclud moy que vous irez.
Le tiers Bourgeoys.
Et pour compaignqn vous m'aurez, Je ne quiers qu'aller à l'estrade.
Le quart Bourgeois.
Pierre !
Pierre, varlet Sire ?
Le quart Borgeoys.
Tire toy près.
Ou tu auras la bastonnade.
Pierre.
Que vous plaist-il?
Le tiers Borgeoys.
Une ambassade Nous faisons vers les Genevovs.
Donc pour tout refrain de balade Amainne noz chevaulx.
Pierre.
.l'v voys.
Icy va quérir les chevaulx el Hz monlenl.
Le second Bourgeoys.
Or, mes amys, pour ceste foys Nous ferez le pèlerinage, Mais faictes honneur aux bourgeoys.
Le quart Bourgeoys.
Nous y ferons beau vasselage.
Symonet amainne les chevaulx cl dicl :
Symonf.t.
Moulez, vous avez l'avantage, Car je tien l'estrier d'ung costé.
ToNNOIRROIZ.
Il vous l'ault aussy un message.
Le Messagier.
Voy me cy jà tout apresté.
O) monlenl.
Bassigny.
(là, mes bourgeoys. . . .
Le tiers Bourgeoys.
Je suis monté.
Barroiz.
Tirez avant.
Le tiers Bourgeoys.
Veescy de quoy. .
Déa, rien ne demeure par moy, Je -ni*- désià imii ;'i cheval
Bassigny.
Or çà, nous sommes en arrov, Chevauchons à mont & à val.
Le Doyen.
Pour tout vostre cas principal, Amenez Didier en ce lieu.
Barroiz.
Très bien.
Le Trésorier.
Or, Dieu vous gard de mal!
Bassigny.
A Dieu soyez!
Le Doyen.
Allez, adieu!
Le Foi..
Ces gens icy, par la mort Dieu !
Ne font que culeter la celle.
Je croy qu'ils s'en vont à Pontieu, Non font, ils vont à la Rochelle.
N'ai-je pas bien sotte cervelle, De demeurer tousiours aux trippes?
Je n'ay plus de vin que deux pipes.
Par le sacrement de la messe, Ho! monter fault sur mon ànesse, Puisque je n'ay aultre monture.
Fy! fy! elle a fait une vesse, Ou il a icy quelque ordure.
H monte sur Vamc et va après.
Or çà, picquons à l'aventure Tousiours au long de ceste treille, Car, soit par force ou par injure, Je veul conquester. la bouteille.
tri -
Adieu ! adieu! robbe vermeille.
Je voj tout droit à Aigue-Morle.
Mais tout le gosier me tateille Pour le vin que cesluy-là porte.
Lucifer.
Hompez cahoz, infernale cohorte, Saillez dehors, wuydez de la tanière, Axrochez vous par fenestre oc par porte, Venez bientost sans ordre & sans manière, Monstrez ici figure paultonnière, Corps boursouflle, espouvantaible visaige. Mauldit Satham, qui porte la bannière, Me laras-tu morir de maie raige!
Satham.
0 Roy régnant en lieu umbragé.
Prince de ténébrosité, Se vous avez rien en courage, Qu'il soit tanlost manifesté.
Nous avons treslous infesté Pays, royaulmes, régions, Tant que chascun est moleste Par noz fines temp tarions.
Astaroth.
J'ay semé des divisions
De père à filz, de filz à père,
De nations à nations,
Tanl que c'esl ung grant vitupère.
J'ay entre compère k commère Embrasé feu de volupté, Dont il sordra tel impropère, Qu'enfer y gainnera planté.
BeLPHÉGOR;
J'ay en tant de pays esté, Sans sens, sans raison & sans rynie, J'ay tant soufflé <k tant tempté, Que je ne sçay dire le disme.
Bélial.
Et quant à moy, je vous intime, Que par mon pourchaz seulement, La fornaise de nostre abysme Reeepvra des gens largement.
Gerbéuus J'ay gardé enfer seurement La porte, les clefz, les utvlz, Affin qu'aucung empesebement Ne veinst sur noz apatiz.
Lucifer.
Vous comptez à voz appetiz, Chascun crie qu'il l'a fait belle ; Mais de Lengres, cuins partiz, N'en direz vous aultre nouvelle?
Satham.
Nous n'avons pouvoir ni cauthelle De leur faire turbacion, Car la Déité paternelle Les tient en sa protection.
Quant vint à leur élection Pour faire ung Évesque en leur terre, Hz eurent révélation D'ung Didier qu'ilz sont allez querre.
Filz de putains! Allez grant erre Empescher leurs dicts & leurs faite,
Ou je \<>us mauraj si graol guerre, Que vous vouldriez estre deffaitz.
(» quelz gens j'ay!
Sathâh.
Lai/ & mauvays.
Lucifer.
Quelz applicquans?
Satham.
Fiers 6; orribles.
Lucifer !
Quels menestriers?
Satham.
Ors & pugnaiz.
Lucifer.
Quelz ennemys?
Satham.
Très confusibles.
Lucifer Trouvez tours fins à impossibles, Alez subtilitez sercher, Songes, fictions déceptibles, Pour ceulx de Lengres empescher.
Satham.
Nous irons férir oc toucher, Si bien que le dyable y courra.
S'on me debvoi! vif escorcher, S'iray-je voyr qu'on y fera.
Léviatham.
Qui esse qui nous concluyra?
Lucifer.
S;ithniii
Satham.
Quant à moy, je le veul.
Belphégor.
Qui esse qui commandera?
Béliai.
Qui esse qui nous conduyra?
Satham.
Je feray tout ce qu'on vouldra Puisqu'il plait au prince d'orgueil.
Cerbérus.
Qui esse qui nous conduyra?
Lucifer.
Satham.
Satham.
Quant à moy, je le veul.
Et si veul qu'on me crève l'eul Si je n'empesche par chemyn Lengroys qui, pour nous faire deul, S'en vont hroullant le parchemyn.
0 se j'entre en mon avertin Contre la Cité lingonicque, Je luy meneray tel hutin Que dyables en feront la nicque.
Comment?
Satham.
J'ay ung peuple gothicque, Alanicque, Wandalicque, Terrible, cruel, rigoreulx.
J'ay une nacion inicque, Paganicque, Tirannicque, Que je feray venir contre eulx.
Lucifer.
C'est très bien dict : Soignez soigneux Qu'en (tcv nous ne perdons rien.
Astaroth.
Nous y allons tous, deux à deux, Et pensez qu'en chevirons bien.
Léviatham.
Il n'y a se grant terrien Que je ne mette en désarroy.
Belphégor.
Tu feras ung estron de chien, J'y feray cent foys pis que toy.
Cerbérus.
J'en osteray hors de la foy Avant qu'il soit jamais mardi.
Bélial.
Qui ne tramblera devant moy, II fauldra qu'il soit bien hardi.
Lucifer.
Or, faictes ce que je vous dy.
Astarotii. Obéyssons à Lucifer.
Satham.
Allons m'en tous à l'estourdy Faire plus fort que feu d'enfer.
Le Charriujer, compaignon de, Didier, est en ung champ auprèz de la cherrue el parle à Didier.
Le Charruyer.
Ung chascun debvroit honnorer Geulx qui bien sçavent labourer La terre qui porte semence.
Didier.
Laboureur se doit colenter De son estât, sans appeter Honneur mondain on excellence.
Le Charruyer.
Qui esse qui baille Bief, vin & vitaile, Vivres &. mangeaille, N'esse pas labeur9
Didier.
Soit froment ou paille, Soit denier on maille, Riens n'avons qui vaille, Sans le Créateur.
Le Charruyer.
Labeur norrit les régions, Labeur soustient les nacions, Labeur doit-on magnifyer.
Mais Dieu, en qui nous nous fyons, Car il conduyt noz actions Et fait le grain fructifyer.
Le Charruyer.
Qui ne semeroit Ou moissonneroit, La faim nous feroit Morir en martire.
Didier.
Qui ne maintiendroit Labeur en son droit, Grand mal en viendrait.
Le Charruyer.
Ha! grant mercy, Sire, N'ay-je pas tousiours oy dire Que labeur noblesse maintient.
Didier.
Soit en royaulme on en empire, Labeur tous les estaz soustient.
Le Charruyer, Par labourer ricbe on devient.
Didier.
Labeur n'est pas cliose meschante.
Le Charruyer.
Chascun en vit.
Didier.
Mais tout en vient.
Le Charruyer.
Vive labeur !
Vive qui plante! Visse pas chose bien plaisante Que désire aux champs avec ses beufz, On crye, on huyt, on rit, on chante, El puis on repose entre deux.
Didier.
Il est tout vray.
Le Charruyer.
Pourtant, je veulx Noz beufz esteller à sarrer, Affin cpie ce champ espïneux Puissions cultiver & arer.
Didier.
À Dieu debvons recommander Noz euvres et tout nostre affaire, Aultremenl ne peut amander Quelque labeur que puissions faire.
Louons sa doulceur débonnaire Qui donne des biens multitude, Car rien ne luy peult tant desplaire Que le vice d'ingratitude.
Le Charruyer.
Troux ! J'ai l'entendement trop rude De penser à si profond sens, Quant à moy, voyez mon estude, Prenez de là.
Didier.
Je m'y consens.
Mais qui chassera?
Le Charruyer.
J'y entends. Lors Didier prenl les deux manches de la cherruc et son eompaignon chasse.
Or, cheu! Rogueul & Florentin, Se de tirer n'estes conlens Je vous donray ung grant talin.
Cheu! Se j'eusse heu de bon vin, Le cryer ne ne grevas! rien.
Cheu! Cheu!
Didier.
Je te pry de cueur fin Que lu chantes.
Le Charruyer.
Je le veul bien.
/( ii chante.
Or cheu, de pardieu, cheu, Fromentin & Rogeul, El Grivel, ce bon beuf.
Esse bien diel ?
Didier.
Encoir ung peu.
Nostre labeur très bien s'avoye.
Lk Charruyer.
Cheu, Rogeul! Se j'eusse repeu,
Je chantasse à trop plus grant joye.
Chançon.
Allez toute la voye, Que larrons ne vous voye, Vous enmaineroient à Troye, Et de Troye à Châlons Changer à bons Lyons.
Didier.
Dieu sceit cornent nous en allons !
Le Charruyer.
Tout est reversé de ce coultre.
Didier.
Nous faisons ce que nous voulons.
Le Charruyer.
C'esl vray. Cheu, larron, cheu tout oultreJ
Didier.
Se lu scez plus rien, si le monstre.
Le Charruyer.
Comme quoj ?
Didier.
Deux motz de chant on,
Le Charrutek chôme.
Chançon.
De traire vous semon, De traire vous semon, Et d'aller au chavon Teure bonnot faillon.
Ces beufz icy n'yront point, non, Qu'on leur puist escorchier la pel.
Ha! se nous eussions Charbonnel, Escurieul, Sergent, Cheneillot, Grivel, Brevel, Flory, Bizot, Les beaux beufz que soûlions avoir, Hz feroienl meilleur debvoir Que ne fait ce gros Fromentin.
Au fort, il est assez matin, Jà n'est besoing que nous baston
Didier.
Tu dis bien.
Le Charruyeh.
Laissons ce butin.
Didier.
Reposons-nous.
Le Chaiîruyer.
Mais banquetons.
Lors se reposent et le Charruyer bura et mangera.
Barroiz Jà longtemps ebevauebé avons Aux cbemps, sur l'berbe qui est belle.
Et toutesfoys nous ne trouvons Du bon Didier quelque nouvelle.
Bassigny.
Homme ne voy qui nous révelle De sa personne aucune chose.
