C'est cil en cui raverdist

Non la paille, mais li grains De la foi, ki ens nos gist, Par quoi li mondes est sains.

128. Puis David fu Ysaïes, Et ses paroles oscures; Daniel & Jeremies, Et les autres escriptures

132. Ke on claime prophéties, Ki dient les aventures Ke veues & oies Ont humaines créatures.

De Dieu, si com il fu nés, 140. Et de gens cruex & fieres Fu si très vilment menés Et en si pesmes manières, Se garde vos em prendés,

144. On le set & en quel guise, Ke chascuns le voit as iex, Et preeche sainte Eglise Et as jones & as viex,

148. Ki ont créance en cou mise Chascun jor de miex en miex, Ke l'escripture [devise] De Jhesu Crist en ses fiex.