Soffrir m'estuet grief martire

LAIS ANONYMES

La ou fine Amors me tire,

Tôt a sa devise 112,

La convient ke jou coloi :

C'est vers vos, amie.

Chascuns dist ke jou foloi,

Mais je nel di mie.

Ains di, molt bien endroit moi,

Quoi k'autres en die, Ke nul home je ne voi,

Hui cest jor en vie, Prince, ne conte, ne roi,

De cui j'ai envie, S'amors, por cui me desroi,

Me vient en aïe.

Tôt a ma devise Sera miens quanques je voil,

Se de mon servise N'en sui trais par orgoil.

Je serf m'amie en amant,

Et c'est grans servises, K'amors me vait enfla mant

En totes les guises

Que Ton porroit onques

Ne conter ne dire.

Et vaura moi donques

Celé desconfire Par orgoill ne par otraige Ke j'aim plus ke rien ki soit?

Ja Diex ne l'en doinst coraige !

S'ele me desconrlssoit, Mort aroit som boin ami 140.

Et cel[u]i ki miex li veut.

Trop a son cuer endormi, S'en amor ne me requeut, K'ele ot bien ke je li pri, 144.

Corne cil ki trop se deut.

En chantant merchi li cri :

Si m'en iert miex ke ne seut,

Car ele en avra merchi Bien tost, s'ele s'i akeut.

Mais oï m'a dusk'a chi :

Or li proi k'ele m'a peut.

Em peu d'eure

Diex labeure :

Par vostre grasse,

Se puis faire

Mon afaire Em poi d'espasse,

N'ai ke plaindre :

Car destraindre Ne me porra ne complaindre

La manace

Dont m'amie,

Ki me lie, Me destraint & contralie.

Ce me lace Ke [je] ne puis vers li faire Nule rien ki li puist plaire, Se trestot non par contraire ; Ce me fait grant paine traire.

Por cou ne m'en puis retraire Ke la plus très deboinaire, Ki hui cest jor nului plaire, Ne le m'estuise a retraire.

Doce amie, en ceste note Ke ma boce chante & note, Te proi ne me soies sote.

Car se pitiés ne redote, Et merchi t'en voille prendre La porrai jou bien atendre, Car ten cuer ferai si tendre Ke vers moi le ferai tendre, Se il a point en cest monde De pitié, tant soit parfonde, Ne puet estre, ki k'en gronde,