Li doç consirer

Dont j'ai grant denrée.

Me font sospirer,

Ma dame honorée ; 56. Tant puet demorer

Bontés désirée

Ke par désirer

lert ma mors hastee.

60. Vrai[s] Diex ! quant je premier la vi, Mervell moi coment Tencovi :

Car tant par ert dolente K'en sa faice rovente 64. Faisoient larmes sente.

Lors m'esbahi K'encor m'en senç traï, N'ainc de rien tant ne m'abelli, 68. Com del bel duel ke vie ens li ; Si m'en asist tel rente Ke n'ert jors ne m'en sente.

D'une si grief atente 72. Lors m'asailli,

C'ainc puis ne me failli.

Dame, blonde, fresche & gente.

Plus blance ke flors en ente, 76. Alegiés moi ma tormente.

Si aies merchi De cest vostre ami !

Que vostres cuers me consente 80. K'autres fois, mie, vos sente.

Trop estes de son cors lente !

Si n'ai deservi Ke je muire ensi !