MONET ALIMENT CAP CCAEON

L'identité de struéture entre les couplets 1 et I, I e{ IV a été oblenue par des correétions asset nombreuses, mais qui me paraissent assurées, au moins dans leur principe.

Ichi comans Tot en romans Le gentil lai des amans.

D'amors est estrais li chans, Et sil fist uns fins amans ; D’amors est tote la note Del sonet.

Par amors le chante & note Cui boin est:

Cil [bien] s’entremet Ki son cuer i met.

Je m'i sui mis; Cum fins amis Me sui d’amors entremis, Et ce m'est honors & pris K’a la belle me sui pris, Et ki plus a cortoisie Et valor Ke feme ki soit en vie Hui cest jor :

Mon cuer vers li tor, Li otroi m'amor.

Belle gentix honoree,

Cui bontés honeure, France riens boine eüree,

Cui [jou] mès aeure, Doce, boine savoree,

Se Diex me sekeure, Mal m'i fait la demoree

Ki tant m'i demeure; Quant me venra l’eüree

Ke viegne au deseure

De ce ki m'atalente?

Doce amie gente,

Metés i entente

Tant ke je m'en sente.

NUIT [e

France de si grant franchise Ke nule si france, Preux & saige & bien aprise, Ma dolor m'estance !

Car ne puis ens nule guise Passer ceste plance, Por coillir a ma devise Le fruit sor le brance.

[Fai] ke [par] desos ta hance, Ki belle est & blance, Me passes outre, amie, La dont j'ai envie.

Tes amis t'en prie :

Nel refusés mie.

Dame vaillans, Se defaillans Et non caillans lés de ceste cose, Sés k’avenra ?

Maus m'en parra, Si convenra, Se ce ne repose, Par force & par estavoir, Ke par tans i muire; Se merchi n’i vels avoir, Tot m'i pués destruire ; Moi convient a ton voloir Ma vie deduire.

Por Dieu, ne m'i fai doloir, Tost m'i porroit nuire.

Jou aim plus dis tans Ke ne fist Tristrans.

Trop m'est arestans Li maus ki m'atise, Si que ne sai mais ke dire.

Soffrir m'estuet grief martire.