FRAGMENTS DU POÈME INTITULÉ LE GRAND TESTAMENT

De François Villon.

Je plaings le temps de ma jeunesse, Auquel j'ay, plus qu'autre, galle Jusque à l'entrée de vieillesse ;

Car son parlement m'a celé!

Il ne s'en est à pied allé,

N'a cheval ; las ! et comment donc ?

Soudainement s'en est voilé,

Et ne m'a laissé quelque don.

Allé s'en est, et je demeure ' Pauvre de sens et de sçavoir,

Ti'iste, failly, plus noir que meure.

Je n'ay ne cens, rente, n'avoir ; Des miens le moindre, je dy voir, De me desadvouer s'avance, Oublyans natui'el devoir, Par faulte d'ung peu de chevance.

Bien est-il vray que j'ay aymé Et que aymeroye voulentiers.

Mais triste cueur, ventre affamé Qui n'est rassasié au tiers, Me oste des amoureux sentiers.

Au fort, quelqu'un s'en recompense Qui est remply sur les chantiers ; Car de la panse vient la danse.

Hé Dieu ! se j'eusse estudié, Au temps de ma jeunesse folle.

Et à honnes meurs dédié, J'eusse maison et couche molle !

Mais quoy ? je fuyoye l'escoUe, Comme faict le mauvays enfant...

En escrivant ceste parolle, A peu que le cueur ne me fend.

Mes jours s'en sont allez errant, Comme, dit Job, d'une touaille Font les fileLz, quant tisserant Tient en son poing ardente paille :

Car, s'il y a un bout qui saille, Soudainement il est ravis.

Si ne crains plus que rien m'assaille, Car à la mort tout assouvys.

Où sont les gratieux gallans Que je suyvoye au temps jadis, Si bien chantans, si bien parlans.

Si plaisans en faictz et en ditz ?

Les anciens sont mortz et roydiz ; D'eulx n'est-il plus rien maintenant.

Respit ils ayent en Paradis, Et Dieu saulve le remenant !

Je congnoys que pauvres et riches, Sages et folz, prebstres et laiz.

Noble et vilain, larges et chiches, Petitz et grans, et beaulx et laidz, Dames à rebrassez coUetz, De quelconque condicion, Portant attours et bourreletz, Mort saisit sans exception.

LARMBS ET SOURIRES 355