LA PAPETERIE DU JARIEL

de vray cens et de dix livres tournois de surcens et rente annuel et perpétuel à toujours, qui est pour chacun arpent des dits prez la somme de cinquante solz tournois, et pour le cours et saulte de l’eaue du dit moulin qu'il y pourra faire venir de ladite rivière la somme de cinquante solz tournois et une rame de bon papier, paiable le tout par chascun an le jour et feste saint Martin d’iver, premier terme de paiement com mencçant audit jour saint Martin prochainement venant en ung an que l'on comptera 1531. . . . . . . . . . ; avons scellez ces présentes des dits seaulx, qui furent faictes et passées es présences de Nicolas Brejon et Pasquier de Bray, tesmoings, le huictiesme jour du mois de mars 1529. (Signé :) P. Le Roy.

(Archives nationales, S 37752, dossier 2, n° 9.)

À tous ceulx qui ces présentes lettres verront, Estienne Duchemin, conterolleur ordinaire dudommaine du Roy nostre sire en son bailliage de Meaulx, et garde de par ledit seigneur des sceaulx de la prévosté dudit Meaulx, salut. Sçavoir faisons que par devant Simon Papin, substitud juré et estably en la branche de Bussières en Brye ! pour et en l’absence de maistre Jehan Chelippe, tabellion royal audict Meaux, comparurent en leurs personnes honnestes personnes Sébastien Le Charpentier, Barthélemy Le Charpentier, marchans demourans à la Chène, parroisse de Sablonnières en Brye, Robert Duval, aussi marchant demourant à Citry sur Marne , en leurs noms, Jacques Vignier, aussi marchant demourant audict Sablonnières, à cause de Barbe Le Charpentier sa femme, et encore ledict Berthélemy Le Charpentier et Denis Janvier, practicien, demourant audict Sablonnières, es noms et comme tuteurs et curateurs de Berthélemy Dutartre, filz myneur d'ans de defunctz Anthoine Dutartre et de Françoise Le Charpentier sa femme, ses père et mère, lesquelz esdicts noms de leurs bonnes voluntez, sans force ou contraincte aulcune, recongnurent et confessérent voluntairement estre détempteurs, propriétaires, possesseurs et faisant faict de propriété de ung molin à papier, cours et sault de l’eaue dudict molin, lieu, accin et pourpris, contenant trois arpens quatorze perches de pré et accin séant au lieu dit la Bourbière, terrouer du Jarriel en Brye, ledit vulgairement appelé le molin d’Enfer, tenant d’une part au chemin qui conduict dudit Sablonnières au molin Thion s, d'aultre part à la rivière du Petit Morain, d'un bout à Mes-

1. Canton de La Ferté-sous-Jouarre (Seine-et-Marne). 2. Mème canton.