HI

À tous ceulx qui ces présentes lettres verront, Anthoine Du Prat, chevailler, seigneur de Nanthouillet, de Rosoy et de Précy, baron de Thiertet de Thoury, conseiller du roy nostre sire, gentilhomme ordinaire de sa chambre et garde de la prévosté de Paris, salut. Scavoir faisons que par devant Pierre Parcet, notaire royal au Chastellet de Paris estably à Charly sur Marne, prévosté et viconté de Paris, furent présens en leurs personnes Barthélemy Charpentier et Jehan Charpentier, Barthélemy Du Tertre et Barbe Charpentier, veufve de deffunct Jacques Vignier, en leurs noms, demourans à Sablonnières en Brie, lesquelz recongnurent de leurs bons grez sans aulcune contraincte que, suyvant la permission à eulx baillée par les vénérables religieulx Célestins de Paris, ilz ont promis et permettent faire et parfaire bien, deuement et suffisamment, à leurs propres coustz, fraiz et dépens, ung mollin à huille ou à drapz ou à papier, tel que les recongnoissans vouldront choisir eteslire, au lieu où estoit le mollin à papier vulgairement appellé le Mollyn d’Enfer, scitué sur la rivière du Petit Morain en la terre et seigneurie du Jariel, appartenant ausdictz religieulx Célestins, et ce en dedans deulx ans d’huy prochainement venant, à la charge que ledit mollin contiendra du moingz trois bouges faictz et parfaictz, et sy ont lesditz recongnoissans déclairè et confessé estre détenteurs, propriétaires et pocesseurs dudict lieu et des héritaiges et accint y appartenant, contenant le tout trois arpentz et ung quartier ou environ, tenant le tout d’un costé ausdictz religieulx, d’aultre à Jacques Rousselet, d'ung bout au chemyn qui conduict de Sablonnières au moulin Thyon, et d’aultre à la dicte rivière de Morain.

qui furent faictes et passées es presences de honnorable home maistre Jacques Vadé, demourant à Charly :, et Pierre Le Roy, demourant à Orly :, le dix neufviesme jour de décernbre l'an 1565. (Signé :) Barcet.

(Archives nationales, S 3775*, dossier 2, n° 17.)

1. Arrondissement de Château-Thierry (Aisne). 2. Canton de Rebais (Seine-et-Marne).