Nicolas d'Angennes

3. Montflageot, commune de Villeneuve-sur-Bellot, canton de Rebais (Seineet-Marne).

lommiers, lesquelz esditz noms sans contrainte recongnurent estre détempteurs propriettaires et pocesseurs du sault et cours de l'eaue de la rivière du Petit Morain passant par la seigneurye dudict Jarriel, appartenans à Messieurs les Cellestins de Paris, aussy estre détempteurs et probpriettaires du mollin à pappier assis au dedans de la dicte seiwneurye et consistant en quatre grandz bouges de hault logis ou environ de fondz en comble, couvertz de thuille, avecq des estables et appentiz estant en ung circuit, court, jardins, accins, prez, terres, le tout contenant en fondz de terre, les dictz logis comprins dedans six quartiers ou environ, sur lequel cours d'eaue, logis, mollin à pappier et héritaiges les dictz recongnoissans esditz noms ont confessé et recongnu que les vénérables relligieulx prieur et couvent des Cellestins de Paris ont droict de prendre, lever, gaiger, recepvoir et parcepvoir par chacun an le jour saint Martin d'iver, au lieu seigneurial du dict Jarriel, que les dictz recongnoissans sont tenuz y porter douze deniers parisis de cens et quarante solz parisys de surcens ou rente, et demy rame de pappier, entre aultres charges portez et déclairez par le bail et prinse faict dudict lieu des dictz vénérables rellisieulx prieur ou leurs prédécesseurs par deffunct Pierre Charpentier, demourant audit mollin à pappier de son vivant, duquel les dictz recongnoissans ont promis paier etdoresnavant continuer l’un pour l'autre, ung seul pour le tout, sans division ne discusion . . . . . . . . . . Qui passez furent au bailliage de Hondevilliers, en présence de Rolland Vivien, demourant en la parroisse de Bussierre, Jehan Sarrazin, demourant en la parroisse de Verdellot 1, et Crestofle Quehé, demourant audict Hondevilliers, tesmoings, le seiziesme jour du mois de juillet mil cinq cens quatre vingtz et cinq, avant mydy.

(Archives nationales, S 3775a, dossier 2, n° 26.)