CHAPITRE XLVir

affin que le chien suyve voluntiers le berger, il luy doit oingdre et froter les joues de la croûte de lart, et les deux piedz de devant : et le mener souvent : jusques à ce qu'il soit bien duyt. Et quand le chien se couche aux champs, le berger luy doit croiser les piedz. Et se il ne se duyt quand il luy aura fait par deux ou trois fois, si luy donne congé' : car il n'est pas digne d'estre avec les bergers et brebis.

Et priez Dieu pour le bon berger Jehan de Brie.

Le simple Berger Jehan de Brie Ne parle que à la bonne foy :

A tous subtil:^ pastoureaulx prie Qu'il^ reçoyvent en gré sa loy : Vivant sans soucy, sans esmoy, A esté en ville et villaige :

Où il composa soub^ ung may L'Art des bergers en son usaige.

Du premier eut beaucoup de peine, Et en après eut de grans biens :

Nonobstant, la vie mondaine Il desprisoit sur toutes riens :

Monstrant les inconvénicns Qui peult venir aux pastoureaulx :

Et comme par plusieurs moyens Doivent supporter leurs aigniaulx.

Les pasteurs portans crosse et mitre Voulans à cecy regarder, Pourront apprendre maint chapitre, Pour leurs oeilles bien garder :

Faulses pastoures évader, En chassant les ravissans loups :

Pour ce, pastoureaulx, sans tarder A cecy deve^ penser tous.

Son sens naturel fut exquis Pour monstrer l'art de pastourie :

Il eut bien peu de sens acquis, A ins que hanter la seigneurie :

Et toutesfois par industrie Son cas rédigea par mémoire, Selon l'estat de bergerie, Et sans appeter vaine gloire.

Subtil:^ entetidemens font rage De distinguer d'aulcunes choses :

Le fol peut enseigner le saige :

Sur ung texte font plusieurs gloses :

Tost se gasie chapeau de roses :

Peu de vin souvent l'homme enyvre :

Parquoy Jehan de Brie en ses proses Requiert qu'on excuse son livre.