CHAPITRE LXXX

Comme le roy Sarazin de TiUe Lancelot vint et se fit creetien.

Il est venu premièrement vng des roys deuers monsg"^ de Bethencourt, celui du costé de Tille Lancelot, soy xlij* et fut baptizé, lui et ces gens qu'il auoit amenés auecquez lui, le xviij* iour de ianvier mil cccc et chincq, et fut nomé Louys. Et trois iours apprès vindrent xxij personnes et furent baptizés icellui iour mesmes. Le XXV' iour de ianvier enssuiuant, vint le roy qui estoit du costé deuers la grant Canare, deuers ledit seigneur, soy xlvij* de ces gens, et ne furent mie baptizé celluiiour; ilzle furent le tiers iour apprès, et fut led. roy nommé Alfonse. Et de là en auant se venoient tous [faire] baptiser, puis les vngs, puis les autres, ainssi come ilz estoient logez et espars parmy le pais^ tant que auiourd'uy, la mercis Dieu, ils sont tous crestiens, et apporte l'en les petiz enffans, tantost

1 Chez les Guanches, les prëeents préoédaient toujours les traitée de paix. * Chap» L^xy du m^. de la Bibliothèque nationale.

qu'Uz sont nez, à la court de Baltarhays, et là sont batizés en vne chappelle que mons' de Bethencourt a fait faire. Et vont et viennent auesques les gens de mons' de Bethencourt, et leur amenistrent ce qui leur faull de tout se que l'en peult finer. Ledit seigneur a commendé que on leur face la plus grant douceur que l'en pourra. Et ordonna en la présence des deulx roys que lehan le Courtois seroit tousiours son lieutenant corne il auoi testé, et que il c'en vouloit aler [faire] vng tour en France, en son pais, et qu'il demouroit tout le mieux qu'il pouroit, et aussi fit il, car il eut si bon temps, qu'il n'y demeura, que d'aler que de venir, que quatre mois et demy. Il ordonna mess® lehan le Verrier et mess** Pierre Bontier qu'ilz demouroient pour tousiours monstrer et enseiner la foy catolique» et amena le mains qu'il peut de geos auec lui, si non qu'il en amena trois Canariens et vne Canarienne auec lui pour veoir le pais de France, à celle fin qu'ilzvissent la manière de faire du roy"® de France pour raporter quant il les ramenroit au pais de Canare. Et se partit le derrain iour de ianuier monsg"^ de Bethencourt de l'ille d'Erbenne en pleurant de ioyé. Et tous les autres de l'ille d'Erbanne pleuroient de ce qu'il s'en aloit, et plus encort les Canariens que les autres, car led. seigneur les auoit doucement traités. Le dit seigneur de Bethencourt amena auec lui aucuns des gens de Gadiffer, non pas Dandrac ne Hanybal, et se partit. Dieu le veuUe conduire et raconduyre !

15â LE CANARIEN.