I. Collection de l'auteur

nents y estanst, aussy pour la conservation et entretenement d’icelluy, aurions de nostre ordonnance faict fere la visitation, estât et descriptions des ouvraiges et repparations de maçonnerie, charpenterie, couverture, plomberie, menuiserie et autres de présent les plus urgentes et nécessaires tant pour l’entretenement des d. bastiments que des regards et tuyaulx de terre et plomb des fontaines dud. chasteau de Fontainebleau, à plain déclarez au devis et rapport de ce faict par Baptiste Du Cerceau, architecte ordinaire du Roy, Florent Fournier, maistre maçon et juré de Sa Majesté and. art à Paris, et François Petit, aussy maistre maçon à Paris, desquels ouvraiges et repparations nécessaires et entre autres de ceulx de maçonnerie et pierre de taille, fontaines et couvertures aurions ordonné affixes estre mises et apposées par les carrefours de la ville de Meleun, Morct, et aud. lieu de Fontainebleau, contenans le devis d’iceulx ouvraiges, et qu’ils seroient de par nous délivrez et adjugez au rabais et moings disant en la manière accoustumée en l’auditoire et geolle du d. Fontainebleau le dernier jour de novembre mv^lxxix dernier passé, auquel lieu et jour nous serions trouvés pour iceulx ouvraiges bailler et délivrer au d. rabais. Où ne s’estant présenté synon ung nommé Claude Guérin, im maçon tailleur de pierres à Paris, lequel estant seul n’auroit voullu mectre à pris les d. ouvraiges, la délivrance desquels aurions remise à faire en nostre logis en la rue du Chaulme près la chappelle de Bracque à Paris le samedy prochain après ensuyvant oud. an de deux attendant trois heures après midy. Et pour cest effect autres affixes seroient mises tant esd. lieux que en l’escriptoire des jurés maçons et charpentiers et contre la grande porte du Trésor à Pans. Et ne s’estant encores trouvé en nostre d. logis les d. jour et heure nombre suffisant d’ouvriers pour mectre au d. rabais, aurions de rechef ordonné iceulx ouvraiges estre remis à adjuger au d. lieu et à pareille heure le xxf jour de décembre ensuyvant, dont affixes nouvelles seroient encor mises par tous les d. lieux. Ce qui auroit esté faict et suyvant icelles se seroient trouvés en nostre d. logis ausd. jour et heure, assavoir Florent Fournier, Claude Guérin, Jacques Delanoue, Estienne Fournier, Nicol-

las Jacquet dit de Grenoble et Denis Bouquet, tous maistres maçons ausquels en la présence de noble homme Mederic de Donon, conseiller du Roy nostre sire et contrerolleur général de ses Bastiments, auroit esté faicte lecture de mot après autre du d. devis et rapport d’iceulx ouvraiges et repparations les plus nécessaires estre de présent faictes au d. Chasteau de Fontainebleau, et à eulx déclaré que les d. ouvraiges estoientà bailler au d. rabais et moings disant en la manière accoustumée, suyvant la d. description et affixes d’iceulx en baillant bonne et suffisante caution et ainsi qu’il s’ensuit.

(A) Premièrement reiFaire de bon cyment et mastic propre et convenable tous les joincts tant des palliers que marches du grand escallier servant de perron en la basse court dud. Chasteau de Fontainebleau et relever et rasseoir quelques des d. marches par voyes, avec leur pentes suffisantes.

(B) Plus, pareillement cymenter et rejoinctoyer tous les joinctz des appuyés, rompus et entrouverts du d. grand escallier et y faire des troux pour y sceller des clavettes de fer à plomb fondu pour leurs ligatures et conservation.

(C) Plus restablir les arcs et trompes de pierre qui sont corrompus au d. grand escallier, mectre d’autres sommiers et voulsoires où besoing sera, lesquels voulsoires seront cymentées de vergetes de crosses, et rejoinctoyer les arceaulx par dessoubs, y mectre des pierres où il sera requis et restablir les joincts tout au pourtour de la cherche par le dehors.

(D) Plus relever les dalles de lyais des deux terrasses estans aux deux costés du d. escallier, principallenient celle du costé de la Grande Gallerie, icelles dalles remaçonner à chaulx et cyment faisant les joincts couverts et enclavés l’un dedans l’autre, leur baillant pentes raisonnables ad ce qu’elles ne puissent estre endommaigés des eaues.

(E) Plus faire les trous en la pierre de taille des d. terrasses pour y mectre et sceller des garde fols de fer semblables à ceulx qui sont en la pnncipalle court du d. Chasteau.

(F) Plus fault desmolir et abattre les voulte et terrasse du pont leviz qui est pour entrer de la d. Basse Court en la Court de la Fontaine, d’autant qu’elle est en péril emynent et de nulle valeur, et ce jusques à la largeur de la petite terrasse dont seront serrez les matériaux es lieux qui seront monstrez.

(G) Plus fault relever tout le pavé de la terrasse de la Petite Gallerie sur l'estang, icellui renraçonner à chaulx et cyment à joincts couverts et kiy bailler pente raisonnable et en la voulte au dessoubs par dedans la d. Gallerie, rejoinctoyer tous les joincts et repparer ce que l’eaue y a endommagé.

(H) Plus fault aussi relever les dalles de la terrasse du grand escallier de la principalle Court du d. Chasteau, icelles maçonner à chaulx et cyment à joincts couverts leur baillant pentes raisonnables pour le cours et évacuation des eaues, rejoinctoyer tous les joincts des appuyés, y faire les troux propres pour y mectre et sceller des petits crampons de fer à plomb fondu pour leurs ligatures et entretien, repparer tous les joinctz des platfonds de dessoubs et y faire deux gargoilles pour gecter les eaues hors la terrasse, en bas aussy en l’estaige au dessoubs repparer tous les jointz des dalles tant dessus que dessoubz.

(I) Plus restablir tout le pavé de petit carreau de la Grande Gallerie de la Basse Court du d. Chasteau qui est tout desmoly et ruiné et reffaire de piastre les appuyés des fenestres.

(J) Plus fault abattre les deux trumaulx soubstenant la petite terrasse au dessus de la porte du Pavillon des Ambassadeurs et iceulx faire de gresserie jusques à l’imposte et le d. imposte en saillye aussi de gresserie, parce que les d. trumeaulxsont en péril emynent, n’estans que de moillon, et reffaire la d. petite terrasse.

(K) Plus faire quatre petits pilliers en forme de dosseretz garnis de leurs encorbellements pour soubstenir les poultres du d. portail qui ne portent dedans le mur.

(L) Plus faire de neuf ung petit mur de pierre de lyais au jeu de paulme du d. Chasteau du costé du service, de la Ion-

gueur et haulteor qu’il est de présent de gresserie et remectre au pourtour dud. jeu de paulme des bordures de lyais (au lieu de celles qui y sont de gresserie de pierre) atacher avec des crampons de fer.

(M) Plus faire deux pilles de pierre de taille de gresserie, chacune de iii pieds d’espaisseur, de la longueur qu’il appartiendra et fondées bien et deument dedans la fosse, et pour soubstenir la trappe du pont levis et pont dormant servant à entrer de la d. Basse Court en celle de la Fontaine du d. Chasteau.

(N) Plus faire le restablissement du plancher de la vollière de la royne en son jardin au d. Chasteau à cause du poictrait et solives qu’il y fault mectre de neuf.

(O) Plus faire quatre petits pieds d’estals de pierre de gresserie fondez suffisamment au dessoubs des quatre pilliers corniers de charpenterie qui soubstiennent le pavillon et couverture du grand cheval au meillieu de la d. grande Basse Court, à cause que dïceulx est besoin coupper à chascun trois pieds de longueur qui sont pourris et pour ce faire estayer ainsy qu’il appartient.

(P) Plus repparer tous les joincts du tallud ou chapperon de chascun des pilliers de pierre de taille de la Grande Galerie de la d. Basse Court du costé du jardin.

(Q) Plus faire le scellement des lambourdes neufves qui seront mises soubz le parterre de menuiserie de la Grande Salle du Bal au lieu de celles qui sont pourryes.

(R) Plus faire les trous et scellement en pierre de taille de chascune croisée de fer qui sera applicquée aux ronds servantz de lucarnes à la d. Grande Galerie d’icelle Basse CourC pour soubstenir les panneaulx des vitres d’iceulx.

(S) Plus fault faire trois regards de pierre de taille de gresserie, chascun de quatre pieds en carré dans œuvre, et ce jusques à ung pied au dessus du rez de chaussée des terres,

couverts de pierre de lyais et pavés aussy de gresserie, et y

faire à chasciin ung deschargeoir ou rigolle pour descharger les eaues quant besoing en sera.

(T) Plus faire descouvrir depuis le premier regard où estoit anciennement la prinse des eaues jusques au regard où est de présent la d. prinse, pour veoir sy le long du canal du costé du parc est garny de conroy aussy bien que le fonds du d. canal, sy non le conrroyer aussy hault que peult monter l’eaue dedans ycelluy canal.

(U) Plus descouvrir toutes les tranchées autour du regard de la d. prinse des eauLv jusques à la haulteur que l’eaue peult monter dedans le d. regard.

(V) Plus descouvrir les tuyaul.v depuis icelle prinse jusques où l'eaue s’esvacue maintenant par les tuyaulx cassés qui sont descouverts à présent, iceulx tuyaulx recymenter et remastiquer en sorte que l’eaue ne s’y perde plus.

(X) Plus faire le restablissement de l’aire du passaige et petite gallerie pour descendre au jardin des Pins, à cause des solives neufves qu’il y convient appliquer.

Tous lesquels ouvraiges de maçonnerie et pierre de taille seront par l’entrepreneur d’iceulx bien et deuement faictz et parfaictz ainsy qu’il appartient fournissant par luy la d. pierre taille et vergetes, chaux, sable, piastre, cyment, carraulx à pottier et de terre cuite et toutes autres choses à ce nécessaires, et touteffoys s’aydera ès d. ouvraiges des matériaulx qui proccdderont des desmolitions des terrasses et autres lieux qui seront par luy desmolis déclarés au d. rapport et devis et non ailleurs, dont il ne pourra le résidu transporter ne vendre ains les serrera es lieux que l’on luy monstrera. Et où en faisant icelles desmolitions il convient faire quelques autres menuz ouvraiges au d. Chasteau oultre le contenu au d. devis, en sera faicte prisée et estimation à part, et quant aux repparations desd. fontaines sera le d. entrepreneur tenu icelles entretenir ung an durant depuis le jour de la perfection des d. repparations et réception qui en sera faicte.

Après laquelle lecture d’icelluy devis, que les d. ouvriers dirent avoir bien entendu et en avoir bonne cognoissance

comme ayant esté sur les d. lieux, et veu ce qu’il est besoing de faire en iceulx, ils les ont mis à prix et rabais aux sommes et ainsy qu’il s’ensuit ;

Premièremement par le d. Estienne Fournier à la somme de dix mil livres.

Par le d. Claude Guérin à huictmil livres.

Par le d. Florent Fournier, à sept mil huict cens livres.

Par le d. Estienne Fournier, à sept mil cinq cens livres.

Par le d. Jacques De la Noue à sept mil quatre cens livres.

Par le d. Florent Fournier à sept mil trois cens livres.

Par le d. Estienne Fournier à la somme de sept mil deux cens livres.

Et par le d. Claude Guérin à la somme de sept mil livres.

Et d’autant que sur la remonstrance qui nous auroit esté faicte par le d. Contrerolleur qu’il doubtoit qu’il y eust quelque monoppolle entre les d. ouvriers, et que les d. ouvraiges à faire ne pouvoient valloir la d, somme de sept mil livres, partant que s”ils estoient remys à ung autre jour se pourroient trouver autres maçons qui les feroient à moindre prix, à ces causes et pour le proffict du roy aurions iceulx ouvraiges remys à bailler et adjujer en nostre hostel au xiiFjour de janvier prochain ensuyvant, heure de deux attendant trois de relevée.

Ausquels lieu jour et heure précize se seroient trouvez partie des m®® maçons cy devant nomméz avec plusieurs autres et à eulx de rechef faict lecture du d. devis des ouvraiges et repparacions de maçonnerie et fontaines aux charges et conditions que dict est, et iceulx criés à la dite somme de vu mil livres, à laquelle ilz avoient esté mis et demeurez à bailler dès le xxF décembre dernier passé.

Et par Nicolas Dubar ont esté les d. mis au rabais à la somme de six mil neuf cens livres.

Par Robert Desisles à six mil huict cens livres.

Par Jehan Le Breton à six mil sept cens cinquante livres.

Par Florent Fournier à six mil six cens livres.

Par Claude Guérin à six mil cinq cens livres.

Par le d. Dubar à six mil quatre cens cinquante livres.

Sur lequel prix de vi“iiiDl 1. le-feu auroit esté allumé en

trois chandelles l’une après l’autre et déclairé à tous les d. ni'^s maçons que cliascun rabais durant le feu en icelle seroit de vingt livres. Surquoy le d. feu allumé il y a este mis par le d. Dubar ung rabais et partant les d. ouvraiges à la somme de six mil quatre cens trente livres.

Par le d. Fournier ung autre rabais à la somme de six mil quatre cens dix livres.

Par le d. Dubar, ung autre rabais à la somme de six mil trois cens quatre vingts dix livres.

Par le d. Lebreton, à la somme de six mil deux cens livres.

Par le d. Dubar, à six mil cent livres.

Par le d. Guérin, à six mil livres.

Sur quoy la dernière des d. trois chandelles a esté allumée et pendant icelle a esté mis par le d. Desisles ung rabais de la valleur de xx livres comme dit est et partant iceulx ouvraiges à la somme de cinq mil neuf cens quatre vingts livres.

Par le d. Dubar, par ung autre rabais, à la somme de cinq mil neuf cens soixante livres.

Parle d. Guérin, par ung autre rabais, à cinq mil neuf cent quarante livres.

Par le d. Desisles, par ung autre rabais, à la somme de cinq mil neuf cent vingt livres.

Et sur le différend meu entre icelluy Desisles et le d. Guérin auquel des deux estoit estaint le feu de la d. dernière chandelle, aurions ordonné que le feu seroit rallumé à une autre chandelle. Sur quoy auroit esté mis par le d. Desisles ung rabais de la d. valleur de vingt livres, qui feroit les d. ouvraiges à la somme de cinq mil neuf cens livres.

Par le d. Guérin par ung autre rabais à cinq mil huit cens quatre vingts livres.

Par le d. Desisles par ung autre rabais à cinq mil huit cens soixante livres.

Par le d. Guérin à la somme de cinq mil cinq cens livres.

Et par icelluy Robert Desisles à la somme de cinq mil [quatre cens quarante livres] '. Sur quoy seroit la d. quatriesme