Le chevalier à l'Épée; an old French poem

O lui la roïne et Gauvain, Keu lo seneschal et Yvain, Et des autres vint solement.

[Folio 16, Verso b] A Gauvain prist tôt jorz talent

D'aler desduire et déporter ; 35

Lors fist son cheval aprester ; Cortoisement s^apareila :

Uns espérons a or chauça . Sor unes chances decopees De drap de soie bien ovrees ; 40

Si ot unes braies chauciees, Mont très blanches et raout dougiees, Et chemise gascorte et lee De lin menuement ridée, Et un mantel vair afublé : 45

Mont richement fu atorné.

Puis s'en est de la ville issu.

Tôt lo droit chemin a tenu Tant que en la forest entra.

Lou chant des oisiaus escouta, 50

Qui moût chantoient doucement.

Tant i entendi longuement, Por ce quMl en oï plenté, Que il entra en un pensé D'une aventure qu'il savoit, 55

Qui avenue li estoit.

Tant longuement i demora Qu'en la forest se desvoia Et que il perdi son chemin.

Li solaus torna a déclin, 60

Si conmença a porpenser, Et il prenoit a avesprer Quant de cel penser fu issu ; [Folio 17, Recto a] Mes onques ne sot ou il fu ;

Lors quida retorner arrière. 65

Puis entra en une charriere Qui toz jorz avant lou mena, Et il plus toz jorz anuita; Et que il ne sot ou aler, Il conmença a esgarder 70

Devant lui aval une voie Parmi u^e clere fustoie, ♦ Si vit un grant feu alumé.

Celé part est son pas aie, Car il quida que il trovast 75

Aucun home qui Pavoiast, Ou boscheron ou charbonier.

Lors vit lez lou feu un destrier