ma. ceste

ENCONTRE lui sailli Gauvain Et la pucele, main a main ; Mont Font doucement salué. Il lor dist quMl s'est moût hasté, 430

Qu'il cremist, se il demorast, Que Gauvains ainz ne s'en alast ; Por ce ne vost plus demorer.

Il conmença a avesprer Et li ostes si demanda 435

As serjanz que il soupera.

Sa fille li dist : *^ Par déduit, Poez demander vin et fruit Et nule autre chose par droit, Qu'assez menjastes or endroit ; '' 440

Il a maintenant demandé.

Il a premièrement lavé, Puis lor fu mis li fruis devant ; Lou vin aportent li serjant A plenté de mainte manière. 445

'^ Sire, car fêtes bêle chiere," Fet il a mon saignor Gauvain ; " D'une chose soiez certain :

Il me coste sovent et poise Quant j'e oste qui ne s'envoise 450

Et qui ne dit sa volenté." [Folio 20, Recto b] " Sire, sachiez de vérité,"

Fet Gauvains, " que je sui haitié."

Quant il orent lo fruit mengié.

Les Hz conmanda l'oste a fere, 455

Et dist : "Je jerré en ceste aire,

Et cist chevaliers en mon lit ;

No faites mie trop petit,

Car ma fille jerra o lui ;

Ansi bon chevalier lo qui 460

Qu'ele est en lui bien enploiee.

Ele doit estre moût haitiee

De ce qu'en lor a créante."

Amedui l'en ont mercïé

Et font sanblant que moût lor plese. 465

Or est Gauvains moût a malaise,

Que il crient s'il s'i va cochier

Qu'il lou face tôt detrenchier,

Et si set bien sil contredit

En son ostel que il l'ocit. 470