Tunis

batailles et prouesses de Scipion FAfFrican. Et ceste Cartaige la grande la peupla et édifîia la rovne Dido. Et dict on aussi qu elle édifîia Cartaige la petite qui est en Europe, qui est en Espaigne, et s’appelle Cartagéne et est au royaulme de Mourse Et ceste terre de la Grand Cartaige est la meilleur de toute FAffricque. Les gens d’icelle sont vaillans gens et belliqueux plus que tous ceulx d’AfFricque. Du temps que Scipion les conquesta, tenoit la seigneurie de Cartaige, en sa subgection, sept cens villes ausquelles se pouvoit trouver trois cens mil hommes de guerre, combien que, avec tout cela, ledict Scipion les print et destruict. Et demoura en cedict temps quasi toute déserte, et à présent elle est encores plus peuplée quelle n’estoit au temps passé. Et auprès de Cartaige, du cousté d’occident, sont les champs de Nubye. Et quant Cartaige commença à se repeupler après sa destruction, ce fust par ung cappitaine Numydye, lequel premièrement peupla les champs de Nubye, et de son nom furent ainsi appeliez ; et en fut seigneur. Et après fut seigneur Jugurte le vaillant, lequel fut roy de Cartaige et de Nubye par force. Et en ces champs de Nubye sont de force herhaige et de force bestial et de beaux chevaulx légiers et s’appellent genetz. Et ceulx des champs de Nubye sont tous Alarves C gens qui habitent par les champs comme pasteurs, et ont leur roy avec eulx et tout leur bestial, et tousjourz les armes sur le doz et la lance au poing, et ne font aultres maisons que de leurs tantes. Et s’appellent Allarves, pour cequ’ilz courent d’un pays à Faultre manger les herbaiges et le