Pomme de pin

Et est si très haulte quelle semble toucher au ciel, et en temps d’esté brusle toutes les nuées. Et est la meilleure de toutes les isles et est bien peuplée de gens. La Gomére est une bonne petite isle, et se cueullent en elle de bons seucres et vins et cires. Et au dessus d’elle est toute plate comme une roche. L’isle de Fer est de peu prouffict et n’a point d’eaue, sinon d’ung arbre à nous incougneu. Et cedict arbre rend la nuict par les feulles aultant d’eaue qu’ilz peuvent boire le jour, et davantaige.

Et est fort bonne eaue. Et se vuyde le bassin au soir; au matin ilz le treuvent plein, et par ceste cause FOI20V». y en a assez pour eulx et leur bestial. Ladicte isle de Fer est par les trente six degrez et demy de la haulteur du polie articque. Et du Fer cà la Palme y a douze lieues et sont nord nordest et su surouest. L’isle de Palme est une bonne isle là où il y a force bestial, et se cueullent en elle seucres, bledz, vins, cires. Et est aussi bonne isle, en sa quantité, que l’isle de Ténérif, et est establye norouest et suest. Et sont toutes cesdictes isles subgectes au roy d’Espaigne. Et est iadicte isle de Palme vingt huyt degrez de la haulteur du polie articque. Et ces isles des Canaries sont celles que nous appelions les isles Fortunées. Et estoyent pleines de gens saulvaiges quant elles furent treuvées, lesquelz sont et estoyent fort agilles de leurs corps. Au nord d’elles est l’isle de Madère. L’isle de Madère est Fest et ouest avec le cap de Qiaentin ’, et a vingt cinq lieues de longitude et dix de latitude. Et est bonne isle abundaiite de fruictz, et se cueullent en elle de bons vins et seucres. Et, comme j’ay dict, y a de bonnes villes et y a en elles force boys de cèdre, le