Chine

2. Marco Polo divise la Chine en deux parties, Cabai et Mangi. Mangi, Manzi, le pays de Man-Tsen, Chine méridionale. (V. M. Cordier, Odoric de ‘Pordenone, loc.cit., p. 248).

3. Zaitoûn, un des ports de la Chine, Tsiouen tcheou fou, dans le Fo-Kien (M. Cordier, loc. cit., p. 268).

LA COSMOGRAPHIE

et les isles du Cloux de Giroufîle, et Célam de la Muscade, et plus de cinq mille aultres isles qui sont les plus riches de la pomme du monde. Et aussi est la terre de Jave la Grande et la Petite qui est terres fertilles de tous les vivres de la terre et d’or et d’argent. Les gens de la Jave sont les plus vaillans gens de toute la terre d’Oriant et de belle stature, trappes. Et se est la terre de Jave de quinze à seize degrez de la haulteur du polie antartique. Lesdicts gens, comme j’ay dict, sont trapes, et ont le visaige long et grandes oreilles, et sont blans sur le tanné. Et ont la langue persienne et adorent le soleil. Jave la Myneur est isle, et la Grand Jave est terre ferme. Et a alentour d’elle forces isles. Geste Jave tient en occident au destroict de Magaillar b et en oriant à la terre Australie ^ selon la rondeur du monde. Et selon que j’entens, va jusques dessoubz le polie antartique, posé que entre l’une et l’aultre y ait beaucop de bras de mer qui sont à nous incougneuz que l’on ne sçait si départent lesdictes terres en isles, et n’est pas descouvert au présent plus avant que la Jave pour raison des grandz froigtz qui sont dessoubz le polie antartique. Toutesfoys j’ay esté en ung lieu là où le jour m’a duré trois moys compté pour la révolution du soleil, et n’ay pas voullu attendre davantaige de craincte que la nuict ne me surprint. Et quant tout est dict, toute la terre est faicte en isles à cause des bras de mer qui entrent en elle. En