Les Vierges. La Vierge ( Voy. avent

LA COSMOGRAPHIE

vingt degrez et demy de la haulteur du polie artique.

Et sont, toutes ces terres, haultes montaignes, synon deux que sont L’Anguille et la Négée, qui sont terres basses. Et depuys la Trinité jusques à l’isle Sainct Jehan, y a deux cens quarente lieues. Et entre la Trinité et Sainct Jehan sont toutes lesdictes isles cy dessus nommez. Et les gens qui habitent en elles, sont tous gens caniballes ; celles qui ont des gens, car elles n’en ont pas toutes. Depuis Mareignan jusques à la Trinité sont tous gens caniballes, lesquelz mangent chair humaine.

Et vont par la mer, d’une isle en l’aultre, pour soy desrober les ungs les aultres. Et sont si cruelz, que quant ilz treuvent aulcuns de leurs ennemys, tant d’une part que d’aultre, les mangent. Et quant ilz prenent des femmes, les tiennent en captivité et en font leurs chambrières. Et sont tous, ces canibales, grandz archiers. Et, en la plus grand part de toutes ces isles cy dessus nommées, y a de l’or. L’isle de Sainct Jehan est une bonne isle grande, et y a en elle deux bons portz principaulx.

L’un est du cousté du nord qui s’appelle Port Riche, et est peuplé d’Espaignolz. Et l’aultre est au cousté devers le norouest, lequel est appellé Sainct Germain. En ceste isle se trouve de bon fin or. Ceste isle a de longitude, f» 162 r. l’est et ouest, quarente lieues, et de latitude vingt lieues, et est terre haulte ; et, du cousté devers l’ouest, est terre basse, en bonne manière. Et, de l’isle de Sainct Jehan à risle Espaignolle, y a seze lieues, et y a, entre les deux, deux isles, et une d’elles est appellée La Moue (ou la Mone ') et l’aultre s’appelle Egry (ou Egoy). Et au norouest du commancement de l’Isle Espaignolle sont les