La Nyve, affluent de l’Adour

LA COSMOGRAPHIE

par le Mont de Marsant, et par la terre d’Orte ' , et par plusieurs aultres villes. Et est une rivière de grande pescherie principallement de saulmons, alouzes et lamproyes, carpes et tous aultres bons poissons plus que rivière du royaulme de France pour ce quelle contient. Et est à quarente et quatre degrez moins ung quart de la haulteur du polie articque. Gascongne est bonne terre tant de bledz que de vins. Toutesfoys le long de la coste est toute sableuse et au dedans de la terre est stérille, plaine de landes et n’est guères peuplée. Mais le hault de la Gascongne est bonne terre, fertille, et tout le long de la Garonne et aux Landes y a force bestial. La couste de la mer est saine et sans aulcuns rochiers, et descend en elle deux rivières; l’une est la rivière de Nyve qui passe par le meilleu de Bayonne, l’aultre est la rivière de Gironde que au dessus avons nommée Garonne. Les habitans de ladicte terre sont fort belles gens, bien agilles de leurs corps et bien dispostz de leurs personnes et adonnez au faict de la guerre. De la rivière de Fontarabye à Bayonne y a cinq lieues. Et cecy est le pays des Basques lesquelz sont quasi de la nation des Bisquayns, et sont agilles de leurs corps, gaillardes gens, et parlent quasi une mesme langue et sont bons françoys. Et au dedans ladicte coste est le royaulme de Navarre et le pays de Byard - qui sont aussi aultres gens bien agilles de leurs corps, et sont la plus grande partie bons françoys tous ceulx qui tiennent de France.

45 V». Et de Bayonne à la rivière de Gironde qui est l’entrée de Bourdeaulx y a quarente lieues, et la coste gist nord