Anvers

J. Brabant.

i66 LA COSMOGRAPHIE

en elles de vins, et beuvent de la cervoise mistronnée avec du regalice, et sont les eaiies d’icelles par la plus grand part fort mauvaises, par fasson quelles ne vallent guéres à boire, qui est la raison pour laquelle les Flamans sont tant amateurs du vin. Arrive en ces terres grande quantité de vin de tous pays. Toutes gens et bestes et choses qui sont natives en ces pays sont plus grandes à cause du climat, en quoi ilz sont, que en aulcuns aultres pays. En ces provinces se font forces draps de toutes sortes et forces thoilles fines. Les gens sont soubtiz à offices mécaniques et mesmement cà faire harnoys de guerre, gens adonnez aux viandes, et s’enyvrent volontiers, et sont fort dangereux quant ilz sont yvres. En ces terres, n’y a guéres de boys et sont terres infirmes, fort malladives, et bruslent la plus part d’une manière de terres qu’ilz appellent turbe fi laquelle ilz tirent enmote. La rivière du Rin sort par trois parties, et les deux parties viennent auprès de l’isle d’Olande, laquelle est au dedans de la terre et ne sort point plus en la mer que la terre. L’aultre va sortir à la fin de Hollande. Entre les rivières et Holande, à son commencement, est l’isle de Holande. Et en ceste terre se font des meilleures thoilles de toute l’Europe, lesquelles nous appelions thoilles de Holande du mesme nom de la terre. Est fort humide et est fort fertille d’herbaige et de bestial et se font en elles forces beurres et fromaiges. La rivière du Rin vient des montaignes nommées Alpes et Adule A lesquelles sont en Allemaignes, et de la