Vetessalye ; Westualie, dans Boëm, loc. cit. Westphalie

6; Autrefois Thuringie. V. Boëm, loc. cit. La Thuringe,

LA COSMOGRAPHIE

chasteté qu’ilz ne consentent point que nul d’entre eulx congnoissent femme j risques ad ce qu’ilz soyent mariez, et en aage de vingt cinq et vingt six ans. Et à ceste cause, sont grandz hommes, vaillans, et sont, pour la plus grand part tous rousseaulx. Saxonne est entre Boyme et Frigie, et est terre fertille, et y a en elle de belles fontaines et de belles rivières, esquelles y a forces poisson et de toutes sortes, et y a grand peuple, et de belles villes et chasteaux fortz; et aux montaignes d’icelle, y a forces mynes de cuyvre et marbres de diverses couleurs, et y a ausdictes montaignes forces bestes saulvaiges comme hours, lyons ^ et plusieurs aultres bestes. Les gens sont bien dispostz tant de corps comme de visaige et sont gens fort gracieulx et sont des plus vaillans de toute la Germanie. Et ceste Germanie est terre froide, et est de cinquante trois degrez et demy j risques à cinquante six degrez et demy de la haulteur du polie articque, et ont leur grand jour et nuict de dix sept heures et demy. Ladicte rivière d’ Albin est par les cinquante cinq degrez et demy de la haulteur du polie articque. Et de ladicte rivière va la coste nord est et surouest et prent un quart de nord et su, soixante lieues. Et toute ceste coste est dangereuse, somme. Ceste terre n’a pas plus de largeur que environ quinze lieues, et à l’antrée vingt lieues. Et de l’antrée s’appelle la province de Dansic et le cap de ceste entrée de Dansic est à soixante degrez et demy de la haulteur du polie articque. Et est terre haulte et s’appelle ladicte entrée de Dansic, le dectroict de Dannemarc. Et de ceste dicte entrée de Dansic à la terre de Gosie, qui est de l’aultre