I '^ VI F

Fut né au nieillieii de la mer, En son sainct corps n'eust point d'amer, Ne n'en raenga onc en sa vie, De cela je vous certiffie; Mais bien souuent voulioit-il boire, Mes bonnes gens vous deuez croire Que quant on menge sainct Harenc, On y doit boire bien souuent, Aussi corn vous me orrez retraire.

Il y en a de deux manières , L'un est sor et l'autre est blanc, Et si en a de bien puant, Car on dit tout communément, En ung prouerbe bien souuent, Se hareng put, c'est sa nature; Si fleure bon, c'est auenture Poures gens ne le dient mye, Car souuent leur sauue la vie.

Tant est gracieux et courtois, On le menge auec les pois.

En carresme certainement, Chascun scet bien se je mens Et ses bonnes gens de village '' En font souuent de bon potage ; C'est grant pitié que sainct Harenc Est martire ainsi souuent.

Car en ce sainct temps de carresme, D'icy iusques en Angoulesme