IV — LE PÉCHÉ PARTAGÉ

autres, nous sommes icy pour plaire (en contant des nouvelles) à nous-mesmes :

au moyen dequoy, pourveu qu'il ne se face rien contre cecy, j'estime qu'il soit licite à chacun (comme nous dist nostre Royne peu devant qu'elle le feust) de dire celle nouvelle que à son jugement plaira le plus. Par quoy, ayant ouy comme par les bons amonnestemens de Jeannot de Chevigny, Abraham Juif avoit sauvé son ame, et Melchisedech, par son bon sens, avoit desfendu ses richesses des surprinses de Salladin, j'entendz vous réciter, en peu de parolles (sans que je pense recevoir aucune répréhension de vous) avec quelle cautelle un Moyne ayt délivré son corps d'une très-griève punition.

Il y eut au païs de Lunigianne (qui n'est guères loin du nostre) un monastère, qui jadis souloit astre plus plein de saincteté et de religion, qu'il n'est aujourd'huy : auquel y eut entre les autres un jeune Moyne (la chaleur duquel en la force de son aage estoit telle, que les jeusnes ne les vigilles ne le pouvoient matter), lequel par fortune, un jour sur l'heure de midy, que tous les autres

Moynes dormoyent, s'en alla promenant tout seul autour de leur église qui estoit en lieu fort solitaire; et se récréant ainsi, il va veoir par fortune une jeune garce assez belle, fille (par aventure) de quelque laboureur du païs, qui s'en alloit cueillant certaines herbes par les champs : laquelle il n'eut si tost apperceue, qu41 fut incontinent assailly de la tentation de la chair. Au moyen dequoy s'approchant de plus près, la commença à arraisonner, et tellement marchandèrent ensemble qu'il fut d^accord avec elle, et la mena sur l'heure mesme en sa chambre, sans que personne s'en apperceust. Mais ce pendant que le Moyne, transporté de trop grande affection, s'esbatoit peu ayisément avec elle, l'Abbé, s'estant levé de dormir, et sepourmenant à petit pas par le cloistre, passa devant la chambre de cestuy-ci, et ouyt le bruit qu'ilz y faisoient ensemble, et pour mieux congnoistre les voix, s'aprocha tout bellettement pour escouter à Thuys de ladicte chambre : si congneut manifestement qu'il y avoit une femme dedans; lors il fut tout esmeu de se faire ouvrir, puis il pensa de vouloir user en cec^ d'un autre moyen, et s'en retourna en