A DIRE

De R. contre B. à dire à vui'' d'une partie et d'autre contre les tesmoings ouys et examinés à la requeste de chascune des parties, et leurs lettres aultresfoys mises, et que icelles parties mettront dedens le jourd'huy ou tel autre, etc., en forme de preuve, lesquels tesmoings et lettres les parties ont huy terme pour publier et aller avant, etc.

De R. contre B. à vni^ à dire d'une partie et d'autre contre les tesmoings et lettres aujourd'huy tenus pour publiés de chascune d'icelles parties, sauf tant que dedens tel jour lesdictes parties pourront faire examiner chacune d'eulx (1), tesmoings tels comme ils vouldront eslire et mectre leurs lettres en forme de preuve, et lesquels sont dès maintenant pour lors tenus pour publiés de l'accord desdictes parties, comme dessus, et contre iceulx ont à dire audit jour.